«Տավուշի մարզի ընդհանուր իրավասության դատարան էր ուղարկվել երկու հատորանոց քրեական գործ: Կատարվել է «լուրջ», բազմակողմանի, լրիվ հետաքննություն, նախաքննություն, դատաքննություն:
Դատավոր Ռաֆիկ Մելքոնյանն էլ «դարի» հանցագործ Արծրուն Հարությունյանին դատապարտել է 2 տարի ժամկետով ազատազրկման, հաստատելով մեղադրանքը: Արծրունը 2016թ. հոկտեմբերի 21-ին մտել է Վազգեն Վարդապետյանին պատկանող, Իջևանի Անկախության 13 շենքի 1-ին հարկում գտնվող խանութը հափշտակելով 1 կգ խոզի միս, դիմել է փախուստի: Նա «բացահայտ» է հափշտակել, բանի որ ցերեկային ժամ էր: Տուժող է ճանաչվել Վազգեն Վարդապետյանը, նրան պատճառված վնասը Հայաստանի քրեական գործերի պատմության մեջ երկրորդ «առանձնապես խոշոր չափինն է»՝ 2000 ՀՀ դրամ, որը մեր համեստ դիտարկմամբ՝ հանրային վտանգավորության աստիճանի չէր, հետևաբար, չէր ենթադրում ազատազրկում:
Առաջինը՝ տարիներ առաջ լուսաբանածս քրեական գործերից մեկն էր. անչափահասի նկատմամբ հարուցվածը, երբ նա հարյուր դրամի չափով երկու տուփ սուրճի համար հայտնվել էր «Աբովյան» քրեակատարողական հիմնարկում, իսկ վատառողջ մայրն էլ՝ դիլիջանցի հավաքարարներից, գումար չուներ Երևանի դատական բարձրագույն ատյաններ ներկայանալու համար:
Արծրուն Հարությունյանը ՀՀ վերաքննիչ քրեական դատարանից պահանջում է բեկանել ՀՀ Տավուշի մարզի ընդհանուր իրավասության դատարանի դատավճիռը, որով ազատազրկվել է 2 տարի ժամկետով, սակայն նշանակվել է 2 տարի փորձաշրջան, իր նկատմամբ նշանակել ազատազրկման ձևով համաչափ պատիժ, կամ գործն ուղարկել համապատասխան ստորադաս դատարան՝ նոր քննության:
Մեղադրանքը պաշտպանել է դատախազ Հովհաննես Փարսադանյանը: Վերաքննիչ դատարանը չորս նիստ է հրավիրել, վերջինը՝ երկու օր առաջ էր, իսկ գալիք նիստը նշանակել է հուլիսի 12-ին»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել