«Մալաթիա-Սեբաստիա վարչական շրջանի ընդհանուր իրավասության դատարանում երեկ շարունակվում էր վարչական շրջանի նախկին ղեկավար Վահան Զատիկյանի որդու՝ Սեդրակ Զատիկյանի սպանության գործով դատական նիստը: Մեղադրող դատախազը ներկայացրեց իր մեղադրական ճառը՝ պահանջելով Զատիկյանի սպանությունը պատվիրելու մեջ մեղադրվող Նարեկ Խաչատրյանին դատապարտել 15 տարվա ազատազրկման: Մեղադրողի ճառից հետո միջնորդություն ներկայացրեց տուժողի իրավահաջորդի ներկայացուցիչ Վաղարշակ Գևորգյանը՝ պահանջելով նույն հոդվածով նախատեսված առավելագույն պատիժ: Դատական նիստը հետաձգվեց մինչև հունիսի 20-ը: Հաջորդ նիստին պաշտպանական ճառով հանդես կգա Նարեկ Խաչատրյանի պաշտպան Վարդուհի էլբակյանը:
Հիշեցնենք, որ Նարեկ Խաչատրյանը մեղադրվում է Ստեփան Հակոբյանի հետ նախնական համաձայնությամբ, նախկինում ունեցած վեճի պատճառով վրեժխնդիր լինելու նպատակով, Արսեն Առուշանյանին նյութապես շահագրգռելով, դրդել, պատվիրել են սպանել Սեդրակ Զատիկյանին»,-գրում է թերթը:
Նյութն ամբողջությամբ կարդացեք թերթի այսօրվա համարում: