Բնակարանամուտ՝ ՊԲ զինծառայողների համար Yerkir.am-ը գրում է.
 Ապրիլի 12-ին Մարտունի քաղաքում պաշտպանության բանակի զինծառայողների համար նախատեսված նորակառույց թաղամասի բակում տեղի է ունեցել բնակարանամուտի հանդիսավոր միջոցառում, որին մասնակցում էին Արցախի հանրապետության վարչապետ Արայիկ Հարությունյանը, պաշպանության նախարար, պաշտպանության բանակի հրամանատար, գեներալ-լեյտենանտ Լևոն Մնացականյանը և պաշտոնատար այլ անձինք:

 Նորակառույց, գեղեցիկ ու հարմարավետ շենքերում զինծառայողների և երկարամյա ծառայության կենսաթոշակառուների ընտանիքներին հանդիսավոր պայմաններում հանձնվել են 41 երեք և 26 չորս սենյականոց բնակարանների հավաստագրերն ու բանալիները:

Պահպանելով արդարության սկզբունքը՝ նախքան բնակարանների հավաստագրերի հանձնումը, ապրիլի 11-ին ՊԲ շտաբի նիստերի դահլիճում կայացել է վիճակահանություն, որի ընթացքում գործող և պահեստազոր արձակված զինծառայողները ընտրել են իրենց բնակարանների հասցեները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել