Aysor.am-ը գրում է.
2015 թվականին Գյումրիում տեղի ունեցած Ավետիսյանների ընտանիքի դաժան սպանության քրեական գործի հետքերով Ավետիսյանների իրավահաջորդները Վերաքննիչ դատարանում ունեցած անհաջողությունից հետո Վճռաբեկ դատարան բողոք են ներկայացրել:
Ավետիսյանների իրավահաջորդների ներկայացուցիչ, փաստաբան Արամազդ Կիվիրյանը Aysor.am-ի թղթակցի հետ զրույցում տեղեկացրեց, որ առայժմ հայտնի չէ՝ Վճռաբեկ դատարանը բողոքն ընդունե՞լ է վարույթ, թե՞ ոչ:
«Շիրակի մարզի ընդհանուր իրավասության դատարանը անօրինական որոշում էր կայացրել՝ ի սկզբանե վարույթ ընդունելով ընդդեմ Ռուսաստանի մեր ներկայացրած քաղաքացիական հայցը՝ մեկ ամիս անց մերժելով այն: Մենք Վերաքննիչ դատարանից պահանջում էինք վնասի հատուցման պահանջի մասին հայցն ընդդեմ Ռուսաստանի համարել վարույթ ընդունված», - ներկայացրեց Արամազդ Կիվիրյանը:
Հիշեցնենք՝ Ավետիսյանների իրավահաջորդները դեռ Շիրակի մարզի ընդհանուր իրավասության դատարանում քաղաքացիական հայց էին ներկայացրել՝ Ռուսաստանի Դաշնությունից պահանջելով 450 հազար եվրո որպես բարոյական վնասի փոխհատուցում: Ըստ այդ քաղհայցի պահանջի, ընտանիքի ամեն չափահաս անդամի կյանքի իրավունքի խախտման համար ներկայացվել է բարոյական վնասի հատուցման պահանջ՝ 50 հազարական եվրոյի, իսկ երկու մանկահասակ երեխայի կյանքի իրավունքի խախտման համար՝ 100 հազարական եվրոյի չափով: Ավետիսյանների ընտանիքի 7 անդամի սպանության համար մեղադրվող ռուս զինծառայող Վալերի Պերմյակովը դատապարտվել էր ցմահ ազատազրկման:
Ամբողջական հոդվածը կարող եք կարդալ այստեղ
