Երևանում ընթացիկ տարեվերջին տեղի կունենա հայ-հունական բիզնես համաժողով: Այս մասին մարտի 10-ին Հայաստանի արտաքին գործերի նախարար Էդվարդ Նալբանդյանի հետ հանդիպումից հետո հայտնեց Հունաստանի արտաքին գործերի նախարար Նիկոս Կոցիասը նախարարների համատեղ մամուլի ասուլիսի ժամանակ:
«Հայ-հունական հարաբերություններում անհամաչափություն է նկատվում, իսկ գոյություն ունեցող պոտենցիալը չի օգտագործվում: Տնտեսական կապերի խորացման նպատակով տարեվերջին ծրագրվում է ներդրումների հնարավորությունների ուսումնասիրման նպատակով Երևանում բիզնես համաժողով անցկացնել հույն ձեռնարկատերերի մասնակցությամբ»,-նշել է նախարարը:
Նախարարը հավաստիացրեց ԵՄ-ի հետ Հայաստանի հարաբերությունների խորացման հարցում աջակցելու՝ հունական կողմի պատրաստակամության մասին: Խոսելով վիզային ռեժինի ազատականացման հեռանկարների մասին՝ նախարարը նշեց, որ դա վկայում է, որ Հայաստանը եվրոպական մշակույթի ու պատմության, ինչպես նաև Եվրոպայի ապագայի մասն է:
