Artsakhpress.am-ը գրում է.
Ռուսաստանը մտադիր է շարունակել Արցախի հակամարտության կարգավորման միջնորդական առաքելությունը՝ ԵԱՀԿ Մինսկի խմբի համանախագահների հետ համագործակցությամբ եւ Ռուսաստանի, ԱՄՆ-ի ու Ֆրանսիայի նախագահների համատեղ հայտարարության դրույթների հիման վրա: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Զախարովան հիշեցրել է, որ այդ փասատթղթերում ասվում է խնդրի ռազմական լուծման անթույլատրելիության մասին, դրանցում նաեւ առկա է կոչ Հայաստանի եւ Ադրբեջանի նախագահներին՝ հարցը լուծել առանց ուժ կիրառելու:
«Եռյակի կողմից համաձայնեցված մոտեցումներին զուգահեռ կշարունակվեն նաեւ Ռուսաստանի ինքնուրույն ջանքերը՝ հաշվի առնելով Հայաստանի ու Ադրբեջանի հետ հատկապես մտերիմ հարաբերությունները, որոնք թույլ են տալիս անկեղծ կարծիքներ փոխանակել գլխավոր հարցերի շուրջ», — հավելել է նա: