Ինչ են ուտում կանայք գեղեցիկ տղամարդկանց հետ ընթրելիս

Yerkir.am-ը գրում է.

Գեղեցիկ տղամարդկանց հետ ընթրելիս կանայք հիմնականում պատվիրում են աղցան, իսկ տղամարդիկ` թանկ ճաշատեսակներ: Դա պարզել են դանիացի գիտնականները. հայտնում է Газета.ру-ն:

Գիտնականները պարզել են, թե ինչպես է գրավչությունն ազդում ճաշատեսակի ընտրության վրա: Տղամարդիկ գումար են ծախսել թանկ խմիչքների և ուտեստների վրա` փորձելով տպավորություն թողնել կնոջ վրա: Իսկ կանայք իրենց ընտրությամբ փորձել են ցույց տալ, որ հոգ են տանում իրենց առողջության և գեղեցկության մասին: Նման վարքը համապատասխանել է հայտնի կարծիքին, թե կանայք տղամարդկանց մեջ գնահատում են ապահովվածությունը, իսկ տղամարդիկ` կանանց արտաքին տեսքը և առողջությունը: