Картинки по запросу putin erdoganՎերջին 10 օրերի ընթացքում Պուտինը 14 միայն պաշտոնական հեռախոսազանգ է ունեցել Իսրայելի, Թուրքիայի Սիրիայի և Իրանի ղեկավարների հետ։ Այս պետությունները Սիրիական ճգնաժամի շահագրգիռ կողմերն են։ Իհարկե, անհատական ու չկրկնվող շահերով։ Նույն այս ժամանակահատվածում Պուտինը տասնյակ հանդիպումներ է ունեցել իր ուժային և արտաքին գերատեսչությունների ղեկավարների հետ, երկու պայմանագիր վավերացրել Սիրիայում ռազմածովային և ռազմաօդային զորախումբ տեղակայելու վերաբերյալ, նաև հայտարարել Սիրիայում զինադադարի պայմամավորվածության ձեռքբերման մասին։

Այս ամենում ուշագրավը Վաշինգտոնի տոտալ բացակայությունն է աշխարհաքաղաքական այս կարևորագույն և իր համար սկզբունքային գործընթացներից։ Օբաման գնում է՝ փորձելով մաքսիմալ լարել հարաբերությունները Ռուսաստանի հետ, Թրամփը գալիս է, բայց սիրիական անհասկանալի օրակարգով և դիրքորոշմամբ։ Իդեալական պահ է ՌԴ-Թուրքիա տանդեմի համար։ Ժամանակն ու իրավիճակը իդեալական են ընտրված, տանդեմը դեռ ժամանակ ունի մինչ Թրամփի կողմից պաշտոնի ստանձնումն ու թեմայի մեջ մտնելը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել