Tert.am-ը գրում է.
«Ժառանգություն» կուսակցության փոխնախագահ Արմեն Մարտիրոսյանը չի կարծում, որ ընտրացուցակները հրապարակելու հարցով Սահմանադրական դատարան դիմելու խնդիր կա:
«Վիճարկելու հարց չկա, որովհետև Սահմանադրական դատարանը նշել է, որ ցուցակների չհրապարակումը հակասահմանադրական չէ, ինքը որոշում չի կայացրել, որ ցուցակների հրապարակումը հակասահմանադրական է»,-Tert.am-ի հետ զրույցում ասաց նա՝ պատասխանելով այն հարցին, թե հաշվի առնելով այն, որ իշխանությունն ասում է ցուցակների հրապարակումը հակասահմանադրական է, հնարավոր է, որ ընդդիմությունը դիմի ՍԴ՝ պարզաբանում ստանալու համար:
Ըստ նրա՝ ՍԴ-ի ասածը իշխանության համար այլևս պարտադիր չէ: «2003թ-ին որոշում կայացրեց, որ վստահության հանրաքվե պետք է անցկացվի՝ չարեցին, հետո 2013-ին որոշում կայացվեց կուտակային համակարգը հակասահմանադրական է, հետո փոխեցին ու ընդունեցին: Բացի այդ, Գագիկ Հարությունյանը Սահմանադրական բարեփոխումների հանձնաժողովի նախագահն է եղել, երբ և օրենքների հետ կապված շահագրգիռ անձ է, այնպես որ հազար հատ խնդիր կա, որ կարելի է նշել, որ իրենց ասածն ընդամենը քաղաքական հայտարարություն է»,- ասաց նա:
