Araratnews.am-ը գրում է.
Երեքշաբթի շվեյցարական ոստիկանությունը խուզարկություն է անցկացրել Ֆրանսիայի ֆուտբոլի ֆեդերացիայի գրասենյակում՝ կապված ՖԻՖԱ-ի և ՈւԵՖԱ-ի նախկին նախագահներ Զեպ Բլատերի և Միշել Պլատինիի մասնակցությամբ կոռուպցիոն սկանդալի առթվ հարուցված գործի։
Խուզարկությունն անցկացվել է Ֆրանսիայի ֆինանսական դատախազության աջակցությամբ և ֆուտբոլի ֆեդերացիայի համաձայնությամբ։
Շվեյցարական իշխանությունների հավաստմամբ՝ հայտնաբերվել են փաստաթղթեր, որոնք վերաբերում են Բլատերի կողմից Պլատինիին 2 միլիոն եվրո փոխանցելու գործի հետ կապված։
Բլատերի նկատմամբ գործ է հարուցվել անհայտ պատճառներով ապօրինաբար Պլատինիի հաշվին երկու միլիոն եվրո փոխանցելու առնչությամբ։ Դեկտեմբերի 21-ին ՖԻՖԱ-ի էթիկայի հանձնաժողովի արբիտրաժային պալատը ութ տարով զրկել է Պլատինիին ու Բլատերին ցանկացած տեսակի ֆուտբոլային գործունեություն ծավալելու իրավունքից։ Բողոքարկումից հետո այդ ժամկետը նվազեցվել է մինչև վեց տարի։
