Բրիտանացի դերասան Ռոբերտ Պատինսոնը, որն առավել հայտնի է «Մթնշաղ» ֆիլմում խաղացած դերով, սկսել է հագուստ պատրաստել: WWD-ի փոխանցմամբ՝ խոսքն առայժմ սեփական բրենդի մասին չէ:
Դերասանի խոստովանությամբ՝ հագուստի արտադրությամբ ինքը զբաղվում է արդեն շուրջ երկու տարի: «Այն, ինչ ես անում եմ, աչքի է ընկնում բազմազանությամբ: Դրանք կանանց և տղամարդկանց համար նախատեսված հագուստներ են»,- պատմել է նա՝ խուսափելով մանրամասնություններից: Պատինսոնի գործակալը չի մեկնաբանել այդ տեղեկատվությունը:
Պատինսոնը կապեր ունի նորաձևության աշխարհում: Հունվարի սկզբին նա ներկայացրել է Eau for Men от Dior Homme-ի նոր բույրը, իսկ փետրվարին՝ տղամարդկանց հագուստի հավաքածու:
Անցյալ տարի հագուստի դիզայնով է որոշել զբաղվել դերասան Անտոնիո Բանդերասը: Նա ընդգրկվել է կարի դասընթացներում և ապագայում մտադիր է դառնալ մոդելավորող: