Գաղտնիք չէ, որ ցանկացած պրոդուկտի արտադրության ծավալների աճն ուղիղ համեմատական է շուկայում դրա պահանջարկի առկայությանը: Թերևս բոլորս էլ գիտակցում ենք, որ ՀՀ-ի շուկան շատ փոքր է, և պետք է աշխատել նոր շուկաների ներգրավման ու արտադրանքի արտահանման ուղղությամբ: Բացի նոր շուկաների ներգրավումից, արտադրանքի արտահանման ծավալների վրա էական ազդեցություն ունեն նաև մի շարք այլ գործոններ: Վերջիններիս թվին է պատկանում մաքսազերծման գործընթացը, քանի որ բազմաթիվ պրոդուկտների, մասնավորապես՝ մի շարք մթերքների պիտանելիության ժամկետը շատ կարճ է:
Օրերս ՀՀ կառավարությունում տեղի է ունեցել հանդիպում ՀՀ վարչապետի և ՌԴ տրանսպորտի նախարարի միջև: Ի թիվս մի շարք կարևոր հարցերի՝ քննարկվել են նաև առևտրատնտեսական կապերի սերտացմանը վերաբերող խնդիրներ: Զրուցակիցներն անդրադարձ են կատարել նաև Վերին Լարսի անցակետում բեռների և տրանսպորտային միջոցների մաքսային ձևակերպման գործընթացի արագացման խնդրին և քննարկել հարցի լուծման հնարավոր տարբերակները:
Հարկ է նշել նաև, որ ՌԴ կողմը կարևորել է Հայաստան-Իրան երկաթգծի կառուցումը և պատրաստակամություն հայտնել ուսումնասիրել հնարավոր մասնակցության հարցը:
Հարկ է նշել նաև, որ ՌԴ կողմը կարևորել է Հայաստան-Իրան երկաթգծի կառուցումը և պատրաստակամություն հայտնել ուսումնասիրել հնարավոր մասնակցության հարցը:
Վերը նշված երկու ծրագրերի իրականացումն էական ազդեցություն է խոստանում ՀՀ-ից արտադրանքի ավելի դյուրին արտահանման, ինչն էլ իր հերթին` արտահանման ծավալների ու արտահանվող պրոդուկտների տարատեսակների ավելացման համար:
Նյութի աղբյուր՝ https://www.facebook.com/permalink.php?story_fbid=1548546635469203&id=100009416433418&__mref=message_bubble
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել