Tert.am-ը գրում է.
Չեչնիայի նախագահ Ռամզան Կադիրովը Այշաթ Ինաևա անունով կնոջը ստիպել է հայտնվել իր հետ ուղիղ եթերում և անպատվել նրան: Daily Mail-ը մանրամասներ է հայտնում:

Ինաևան սոցոլորտի աշխատակցուհի է, ով WhatsApp-ում քննադատական գրառում էր արել Կադիրովի հասցեին, ինչը հետո տարածել էին սոցցանցերում: Դրանից հետո ուղիղ եթերում Կասիրովը պատասխան քննադատության է ենթարկել կնոջը, դասախոսություն կարդացել կառավարության աշխատանքի մասին, իսկ նրա հետ եկած ամուսինը ստիպված է եղել ներողություն խնդրել:

Կադիրովն ասել է, որ չի պատժի կնոջը, ուղղակի ուզում է բացատրել, իսկ կինը հաղորդմանը հայտարարել է, որ գոհ է Կադիրովից:

Իր քննադատական գրառման մեջ Ինաևան գրել էր. «Մեզնից ի՞նչ եք ուզում: Մեզ նույնիսկ չեք թողնում աշխատավարձներս տուն հասցնենք: Մենակ դո՞ւք եք ուտել ուզում: Մենակ դո՞ւք եք խմել ուզում: Մենակ դո՞ւք ապրելու իրավունք ունեք»:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել