Tert.am-ը գրում է.
Շանհայի համագործակցության կազմակերպությունը (ՇՀԿ) և Եվրասիական տնտեսական միությունը (ԵՏՄ) պետք է զարգացնեն սերտ փոխգործակցությունը, հետագայում այդ կազմակերպությունները կարող են միավորվել։ Այդ մասին ասուլիսի ժամանակ ասել է Ղրղզստանի նախագահ Ալմազբեկ Աթամբաևը, փոխանցում է «ՌԻԱ Նովոստի» գործակալությունը։
 
«ՇՀԿ-ի և ԵՏՄ-ի միջև փոխգործակցությունը պետք է զարգացնել, այս երկու կազմակերպությունները պետք է սերտորեն համագործակցեն»,-ասել է նա՝ հույս հայտնելով, որ ապագայում այդ կազմակերպությունները կարող են «միավորվել», քանի որ ունեն ընդհանուր տնտեսական շահեր։
 
ԵՏՄ-ն ստեղծվել է 2014 թվականին Մաքսային միության հիման վրա։ Անդամակցում են Ռուսաստանը, Ղազախստանը, Բելառուսը, Հայաստանը, Ղրղզստանը։
 
Շանհայի համագործակցության կազմակերպության մեջ մտնում են Ռուսաստանը, Չինաստանը, Ղազախստանը, Ղրղզստանը, Տաջիկստանը, Ուզբեկստանը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել