Araratnews.am-ը գրում է.
Ինչպես գիտենք քիչ առաջ Երևանում տեղի ունեցավ Հայաստան- Դանիա ֆուտբոլային խաղը, որին ներկա է եղել նաև Շանթ Հարությունյանի տղան՝ Շահեն Հարությունյանը և ընկերները, նրանց ձեռքում քաղաքական պաստառներ են եղել: Վերջինս, ըստ իր ընկերների, նստած է եղել հանդիսատեսի համար նախատեսված տեղում, երբ ֆուտբոլի ֆեդերացիա նախագահը մոտեցել է նրան և ասել, որ հանկարծ չփորձի դաշտ մտնել նախորդ անգամվա նման, որից հետո կարգադրիչներն են մոտեցել և վերցրել Շահենի ձեռքից տոմսը: Տարածքում եղել են նաև քաղաքացիական հագուստով ոստիկաններ, որոնք ևս միջամտել են կարգադրիչների և Շահենի խոսակցությանը, ինչից հետո էլ սկսվել է քաշքշուկ, որի հետևանքով Շահենը գլորվել է աստիճաններից և ստացել մարմնական վնասվածքներ: Այս պահին նա հիվանդանոցում է և հետազոտություններ է անցնում: Նշենք, որ Շահենի ընկերոջ՝ Տիգրանի պնդմամբ, Շահենը բացարձակ մտադրություն չի ունեցել կրկնել նախորդ ակցիան:
