Կառավարության անվտանգության աշխատակցին ինքնասպանության հասցրե՞լ են

Yerkir.am-ը գրում է.

ՀՀ քննչական կոմիտեում քրեական գործ է հարուցվել կառավարության շենքի հետնամասում հրազենային վիրավորում ստանալու դեպքի կապակցությամբ:

Քննչական կոմիտեից yerkir.am-ին հայտնեցին, որ քրեական գործը հարուցվել է Քրեական օրենսգրքի 110-րդ հոդվածի 1-ին մասի հատկանիշներով (սպառնալիքի, դաժան վերաբերմունքի կամ անձնական արժանապատվությունը պարբերաբար նվաստացնելու ճանապարհով անձին անուղղակի դիտավորությամբ կամ անզգուշությամբ ինքնասպանության կամ ինքնասպանության փորձի հասցնելը):

Այսօր առավոտյան yerkir.am-ը հայտնել էր, որ կառավարության շենքի անվտանգության աշխատակից Լյուդվիգ Հովհաննիսյանը ինքնասպանության փորձ է կատարել: Նա այժմ գտնվում է թիվ 1 համալսարանական հիվանդանոցում, վիճակը ծանր է: