Politico պարբերականի փոխանցմամբ՝ Սաուդյան Արաբիայի թագավոր Սալման բեն Աբդել Ազիզ ալ-Սաուդը ժամանել է ԱՄՆ՝ բանակցելու ԱՄՆ նախագահ Բարաք Օբամայի հետ: Նա իջևանել է Four Seasons ցանցի վաշինգտոնյան հյուրանոցում: Թագավորի հետ միասին Վաշինգտոն ժամանած պատվիրակության կազմում մոտ 1000 մարդ կա:
Հատուկ հյուրերի համար հյուրանոց է բերվել ոսկե կահույք, հայելի, լամպեր և անգամ գլխարկների համար հենարան: Հյուրանոցում առկա աղբյուրը հայտնել է, որ միջանցքները և անգամ ստորգետնյա ավտոտնակի հատակը պատված է եղել կարմիր գորգերով, որպեսզի միապետի ոտքը չդիպչի գետնին:
Հյուրանոցի լյուքս դասի համարում մեկ գիշերն արժե 1000 դոլար: 222 հյուրի համար նախատեսված հյուրանոցն ամբողջովին փակվել է մի քանի օրով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել