Ահաբեկչությունների պատճառով Աղթամարում կայանալիք ամենամյա պատարագը չեղարկվել է

Tert.am-ը գրում է.

Աղթամարի Սուրբ Խաչ վերակառուցված հայկական եկեղեցում սեպտեմբերի 6-ին նախատեսված պատարագը չեղարկվել է։

Այդ մասին հաղորդել է Պոլսո հայոց պատրիարքարանը։

«Այս տարի սեպտեմբերի 6-ին դեպի Աղթամար նախատեսված ուխտագնացությունը չեղյալ է հայտարարվել։ Հայոց պատրիարքարանը, հաշվի առնելով վերջին օրերին տեղի ունեցող ահաբեկչություններն ու գրանցված զոհերը, Վանում և հարակից շրջաններում անվտանգության խնդիրներ չառաջացնելու նպատակով ամենամյա ուխտագնացությունն ու պատարագը հետաձգել է»,-ասված է պատրիարքարանի տարածած հաղորդագրության մեջ։

Հիշեցնենք, որ վերակառուցումից ու վերաբացվելուց հետո այս եկեղեցում պատարագ տեղի էր ունենում տարին մեկ անգամ՝ Սուրբ Խաչի տոնին։