Tert.am-ը գրում է.

Բելառուսի նախագահ Ալեքսանդր Լուկաշենկոն հայտարարել է, որ Բելառուսը և Եվրամիությունը վերջին տարիներին սկսել են ոչ միայն երկխոսություն վարել, այլև հասկանալ իրար, գրում է РИА Новости-ն։

«Դուք քիչ բան չեք արել, որ մենք ոչ միայն սկսենք խոսել մեծ Եվրոպայի հետ, այլև որոշ հարցերում հասկանանք իրար, կարգավորենք հարաբերությունները»,- ասել է Լուկաշենկոն Մինսկում ԵՄ ներկայացուցչության ղեկավար Մայրա Մորայի հետ կայացած հանդիպմանը:

Լուկաշենկոն ընդգծել է երկրում Մայրա Մորայի առաքելության ժամանակ դիվանագետի ցուցաբերած անկեղծ դիրքորոշումը և նշել, որ այդ հանդիպումն ինչ-որ առումով Բելառուսի և ԵՄ-ի միջև հարաբերությունների կարգավորման հարցում Մորայի վաստակի ճանաչումն է։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել