Մինչ շատ մարդիկ ու ազգեր դեռևս դժվարանում են ոտքի կանգնել 2008թ․-ի տնտեսական ճգնաժամի հարվածից հետո, որոշ մարդիկ, թվում է, նույնիսկ չեն էլ զգացել համաշխարհային ֆինանսական այդ ճգնաժամը։
Ովքե՞ր են աշխարհի ամենահարուստ 10 մարդիկ, և որքա՞ն է կազմում նրանց կարողությունը.
10 Լիլիան Բեթենքորթ
Բեթենքորթի կարողությունը 2015թ․-ին կազմել է 40.1 միլիարդ դոլար։ Նա «L՛Oreal» ընկերության ժառանգն է և հայտնի է որպես հաջողակ բիզնեսլեդի և բարերար։ «L’Oreal» ընկերությունը հիմնել է Բեթենքորթի հայրը, իսկ նա սկսել է աշխատել ընկերության համար դեռ 15 տարեկանից։ Ընկերությունը հասարակությանը ներկայացավ 1960-ականներին և չնայած բազմաթիվ վայրէջքներին ու վերելքներին՝ Բեթենքորթը շարունակում է լինել «L’Oreal» ընկերության բաժնետոմսերի մեծ մասի սեփականատերը՝ բացելով աշխարհի ամենահարուստ մարդկանց թոփ տասնյակը։
9 Ջիմ Ուոլթոն
«Walmart» ընկերության հիմնադիր Սեմ Ուոլթոնի ամենաերիտասարդ որդին՝ Ջիմ Ուոլթոնը, ժառանգել է ընկերության ունեցվածքի մեծ մասն իր հորից։ Նա 40.6 միլիարդ դոլարի կարողություն ունի, ինչի արդյունքում զբաղեցնում է աշխարհի ամենահարուստ մարդկանց տասնյակի 9-րդ հորիզոնականը։ Բացի «Walmart» ընկերության նախագահների խորհրդի անդամ լինելուց՝ Ուոլթոնը հավելյալ եկամուտ է ստանում՝ «Arvest Bank» բանկի գործադիր տնօրենի պաշտոնը զբաղեցնելով (որը մեկ այլ ընտանեկան բիզնես է), ինչպես նաև նախագահի պաշտոնում ծառայելով «Community Publishers» ընկերությունում, որը հիմնադրվել է նրա հոր կողմից ու այժմ պատկանում է Ջիմին։
8 Քրիսի Ուոլթոն
Քրիսի Ուոլթոնը Ջոն Ուոլթոնի այրին է, ով «Walmart»-ի հիմնադիր Սեմ Ուոլթոնի որդին էր։ Ջոն Ուոլթոնը մահացավ 2005թ․-ին տեղի ունեցած ավիավթարի ժամանակ։ Ամուսնու մահից հետո Քրիսին ժառանգեց նրա կարողությունը, որի շնորհիվ այսօր նա աշխարհի 10 ամենահարուստ մարդկանց ցանկում 8-րդ տեղն է զբաղեցննում։ Նա 41.7 միլիարդ դոլարի եկամուտ ունի և համարվում է աշխարհի ամենահարուստ կանանցից երկրորդը։ Մահվանից առաջ Ջոն Ուոլթոնը ներդրումներ էր կատարել «First Solar»-ում, իսկ ամուսնու կիսատ թողած գործունեությունն այժմ շարունակում է Քրիսին։
7 Դեյվիդ Կոխ
Դեյվիդ Կոխի կարողությունը հասնում է 42.9 միլիարդ դոլարի։ Նա ամբողջ աշխարհում ավելի շատ հայտնի է բժշկության ոլորտում իր բարեգործական ներդրումներով։ Կոխն ընտանեկան բիզնեսով է զբաղվում, որը հայտնի է որպես «Koch Industries»։ Այն երկրորդ ամենախոշոր մասնավոր ընկերությունն է ԱՄՆ-ում, որը զբաղվում է ամենատարբեր ապրանքների արտադրությամբ՝ մեկանգամյա օգատագործման անձեռոցիկներից մինչև զուգարանի թուղթ։
6 Չարլզ Կոխ
Դեյվիդ Կոխի եղբայր Չարզ Կոխը 2015թ․-ի ամենահարուստ 6-րդ մարդն է աշխարհում։ Երկու եղբայրները 42.9 միլիարդի կարողություն ունեն։ Չարլզը «Koch Industries»-ի համասեփականատեր է։ Չարլզը, ինչպես իր եղբայրը, հայտնի բարերար է։ Նա համաֆինանսավորել է «Cato Institute»-ը, որը գտնվում է Վաշինգթոն Դի Սիում։
5 Լարի Էլիսոն
Էլիսոնի կարողությունը հասնում է 54.3 միլիարդի։ Մինչև 2014թ․-ը նա «Oracle Corporation» ընկերության գլխավոր գործադիր տնօրենն էր։ Էլիսոնը գործարար է, բարերար և ծրագրավորող։ Նա ներդրումներ է կատարել բազմաթիվ բարեգործական կազմակերպություններում, այդ թվում բժշկական բարեգործական ընկերություններում։
4 Ամանսիո Օրտեգա
Օրտեգան իսպանական նորաձևության ինդուստրիայի առաջատար դեմքերից է։ Նրա ընկերությունն առավել հայտնի է «Zara» ապրանքանիշի հագուստի շարքով ու խանութների ցանցով։ Օրտեգան իր անձնական կյանքը սիրում է գաղտնի պահել, այդ է պատճառը, որ մինչև 1999թ․-ը նա ոչ մի լուսանկար չէր հրապարակում։ Այժմ նա ապրում է Իսպանիայում ու շարունակում է ղեկավարել «Inditex»-ը։ Նրա կարողությունը կազմում է 64.5 միլիարդ դոլար։
3 Ուորեն Բաֆեթ
ԱՄՆ-ում ամենահայտնի հարուստ անհատներից մեկը՝ Բաֆեթը, չափազանց հայտնի ներդրող է։ Նա «Berkshire Hathaway»-ի գլխավոր գործադիր տնօրենն ու ղեկավարն է և ընկերության բաժնետոմսերի մեծ մասի սեփականատերը։ Նա իր կարողության 99 տոկոսը բարեգործության է տրամադրում։ Բացի նրանից, որ նա հայտնի է իր բարեգործական գործունեությամբ, Բաֆեթը նաև բավականին խնայողաբար է ծախսում ու համեստ կյանք վարում։ Նրա կարողությունը կազմում է 72.7 միլիարդ դոլար։
2 Կառլոս Սլիմ Հելու
Կառլոս Սլիմ Հելուն հայտնի է որպես «Մեքսիկայի Ուորեն Բաֆեթ»։ Նա մեքսիկացի բիզնեսմեն ու բարեգործ է։ Նրա կարողությունը կազմում է 77.1 միլիարդ դոլար, և այժմ նա երկրորդ ամենահարուստ մարդն է աշխարհում։ Նա ամենատարբեր ոլորտներ ընդգրկող խոշոր բիզնեսի ղեկավար է։ Բացի դրանից, նա նաև մեծ եկամուտ է դիզում հեռահաղորդակցության ինդուստրիայից։ Այժմ նա հանդիսանում է «Telmex» և «America Movil» հեռահաղորդակցության ընկերությունների նախագահ։ Հելուն մի շարք բարեգործական ընկերություններ է հիմնել, որոնք բոլորը զբաղվում են Մեխիկո քաղաքի բարեկարգման ու զարգացման աշխատանքներով։
1 Բիլ Գեյթս
Աշխարհի ամենահարուստ մարդը Բիլ Գեյթսն է, ում կարողությունը կազմում է 79.2 միլիարդ դոլար։ Մայքրոսոֆթի հիմնադիրը նաև հանդիսանում է ընկերության գլխավոր գործադիր տնօրենը, նախագահն ու ծրագրային գլխավոր ճարտարապետը։ Նա նաև «Berkshire Hathaway»-ի խորհրդի անդամ է, ընկերություն, որը ղեկավարվում է Ուորեն Բաֆեթի կողմից։ Որոշ մարդիկ քննադատում են Գեյթսին իր ոչ մրցակցային բիզնեսի ռազմավարության համար։
Իր կարիերայի ավելի ուշ շրջանում Գեյթսը միլիոնավոր դոլարներ է ներդրել տարբեր բարեգործական կազմակերպություններ ու գիտահետազոտական նախագծեր։ Բացի համակարգչային հայտնի ծրագրավորող ու նորարար լինելուց՝ Գեյթսը մի քանի գրքերի հեղինակ է։ Նա հիմնադրել է «Բիլ և Մելինդա Գեյթսերի հիմնադրամը», որը բարեգործական կազմակերպություն է և զբաղվում է ինչպես ազգային, այնպես էլ գլոբալ խնդիրներով։ Զույգը պլանավորում է իրենց կարողության 95 տոկոսը ներդնել բարեգործության մեջ։ Վերջերս «Բիլ և Մելինդա Գեյթսերի հիմնադրամը» ճանաչվել է աշխարհի ամենահարուստ բարեգործական ընկերությունը։
