Ծեծված թիկնապահի վիճակը կայուն ծանր է, նրան այդ պատճառով դեռ չեն վիրահատել

Tert.am-ը գրում է.

«Պանտեռա» անվտանգության ծառայության հերթափոխի պետ Վարազդատ Խոցանյանը, ովծեծի էր ենթարկվել օգոստոսի 21-ի գիշերը՝ ժամը 03:30-ի սահմաններում, շաբաթ-կիրակի օրերին գտնվել է կայուն ծանր վիճակում, և այսօր պարզ կդառնա` նրան հնարավո՞ր է առաջիկա օրերին վիրահատել, այս մասին Tert.am-ին հայտնեց ԵՊԲՀ մամուլի խոսնակ Ալեքսանդրա Հարությունյանը։

«Վիրահատության համար անհրաժեշտ է, որ նրա վիճակն ավելի կայունանա»,– ասաց նա:

Հիշեցնենք, որ Խոցանյանը  գտնվում է Երևանի «Հերացի» թիվ 1 համալսարանական հիվանդանոցի վերակենդանացման բաժանմունքում և ունի դիմածնոտային համակարգի վնասվածքներ, դիմային ոսկրերի կոտրվածքներ, նրա մոտ առկա է գլխուղեղի ցնցում, թոքերի սալջարդ: