Բրիտանական գրադարանը կընդունի ցանկացած օգնություն, որն ուղղված կլինի 800 տարվա թրի գաղտիքը բացահայտելուն։

Երկշեղբ թուրը կշռում է 1,2 կգ և հասնում է 95,2 սմ–ի։

–Եթե բավական ուժեղ հարվածեն դրանով, ապա այն կարող է մարդու գլուխ կիսել,– պատմում է Ջուլիան Հարրիսոնը` գրադարանի վարիչը, ով ուսումնասիրում է վաղ Նոր շրջանը։

BM-Sword

Ենթադրվում է, որ զենքը պատրաստվել է Գերմանիայում 13–րդ դարի վերջին և 14–րդ դարի սկզբին, բայց այն ինքնին անգլիական է։ Այդ մասին վկայում է խաչաձև կոթը։ Այդպիսի բռնակով թրեր կրում էին անգլիացի ասպետները, որոնց պարտականությունների մեջ էր մտնում եկեղեցու պաշտպանությունը։

Royal_ms_16_g_vi_f365v

Սառը զենքի հանելուկը դրա շեղբն է, իսկ ավելի կոնկրետ` դրա վրայի +NDXOXCHWDRGHDXORVI+ գրությունը։ Ուտրեխտյան համալսարանի պրոֆեսոր Մարկ վան Հասսելտը կարծում է, որ գրությունը լատիներեն է։ ND–ն կարող է կրճատ Nostrum Dominus–ը լինել, ինչը նշանակում է «Տեր մեր, Հիսուս Քրիստոս» կամ Nomine Domini` Աստծո անունը։ XOX–ը կարող է խորհրդանշել Սուրբ Երրորդությունը։

BM-Sword detail

Գրադարանի կայքի մեկնաբանությունների բաժնում մեկն առաջարկել է, որ գրությունն արված է միջնադարյան վալլիական լեզվով, բայց այդ տարբերակը մերժվել է։ Բրիտանական գրադարանում նաև բացառել են թրի` վիկինգներին մշակույթին պատկանելու վարկածը։

Եվ ահա, եթե Դուք կարծում եք, որ գիտեք հանելուկի պատասխանը, ապա կարող եք Ձեր մեկնաբանությունը թողնել գրադարանի կայքում։ 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել