Newsbook.am-ը գրում է.

Ինչպես արդեն հայտնել էինք, Ազատության հրապարակում մեկնարկել է էլէներգիայի սակագնի դեմ հրավիրած բողոքի ակցիան:  Ազատության հրապարակում գտնվող Երևանի փոխոստիկանապետ Վալերի Օսիպյանից լրագրողները փորձեցին հետաքրքրվել՝ քանի՞ լրագրող են այսօր պատրաստվում ծեծել և քանի՞ տեսախցիկ ջարդել: 

Վերջինս լրագրողների հնչեցրած հարցը ոչ կոռեկտ որակեց և նշեց, որ կատարվածի վերաբերյալ քրեական գործ է հարցուցել, իսկ մեղավորները պատասխանատվության կկանչվեն:  Հիշեցնենք, որ երեկ երեկոյան «Ոչ թալանին» նախաձեռնության անդամները և էլէներգիայի սակագնի դեմ պայքարող մի շարք քաղաքացիներ Բաղրամյան փողոցում նստացույց էին իրականացրել: 

Հիշեցնենք նաև, որ այսօր առավոտ շուտ ոստիկանները ջրցան մեքենաների օգնությամբ ցրել են նստացույցը և ակտիվիստներից շատերին բերման ենթարկել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել