Սոս Արտաշեսի Սարգսյան (1929 թ. Հոկտեմբերի 24, Ստեփանավան), հայ անվանի դերասան, ՀՀ ժողովրդական արտիստ:
Ծնվել է 1929 թվականի հոկտեմբերի 24-ին Ստեփանավան քաղաքում: 1948 թ. տեղափոխվել է Երևան և աշխատել Երևանի պատանի հանդիսատեսի պետական թատրոնում` որպես դերասան: 1954թ. ավարտել է Երևանի գեղարվեստաթատերական ինստիտուտի դերասանական ֆակուլտետը: 1954-1991թթ. եղել է Երևանի Գաբրիել Սունդուկյանի անվան թատրոնի դերասան: 1991թ. հիմնադրել է «Համազգային» թատրոնը: 1997-2006թթ. Երևանի թատրոնի և կինոյի ինստիտուտի ռեկտորն է, 2006-ից` ինստիտուտի կառավարման խորհրդի նախագահը: 2009թ. ընտրվել է ՀՀ Հանրային խորհրդի անդամ: Նկարահանվել է քառասունից ավելի գեղարվեստական ֆիլմերում, ինչպիսիք են` «Նվագախմբի տղաները»‚ «Եռանկյունի»‚ «Մենք ենք, մեր սարերը», «Նահապետ»‚ «Խաթաբալա», «Ձորի Միրո», «Սոլյարիս», Հայաստանում և ԽՍՀՄ մյուս տարածքում նկարահանված բազմաթիվ այլ ֆիլմերում: Ռուսաստանցի բեմադրիչների նկարահանած ֆիլմերում առավել հայտնի են իր խաղացած Գիբարյանի (Տարկովսկու «Սոլյարիս»), թափառիկ արտիստի (Վ. Բորտկոյի «Առանց ընտանիքի»), Ֆեոֆան Պրոկոպովիչի (Ա. Պռոշկինի «Միխայլո Լոմոնոսով») դերերը:
Ֆիլմագրություն 
1960 - Նվագախմբի տղաները` Արտաշես 
1961 - Լուսաբացից առաջ` Եգոր 
1961 - Ճանապարհ` Դայան 
1962 - Տերն ու ծառան` Մանաս 
1964 - Քահանայի ուխտը` քահանա 
1967 - Եռանկյունի` Մկրտիչ 
1968 - Ստեղ մարդ էր ապրում` Մուրադ 
1969 - Գարունա, ձյունա արել` Կոմիտաս
1969 - Մենք ենք, մեր սարերը` միլիցիայի լեյտենանտ 
1970 - Լենինն ու Ալին` Ալի 
1970 - Հեղնար աղբյուր` վարպետ Մկրտիչ 
1971 - Խաթաբալա` Զամբախով 
1972 - Սոլյարիս` Գիբարյան 
1973 - Քաոս` Սմբատ Ալիմյան 
1973 - Ժայռը` Հայրապետ 
1973 - Խաղողի վազը` Վարդան 
1974 - Պինդ քարը` Սեվոյան 
1975 - Իմ սիրտը լեռներում է` Բեն Ալեքսանդր 
1975 - Էս կանաչ կարմիր աշխարհը 
1975 - Ձեռք կբերես մարտադաշտում` Ապրեսյան 
1976 - Եվ ապա դու ետ կգաս` Բաբայան 
1976 - Ծնունդ` Մուրզա 
1977 - Նահապետ` Նահապետ 
1978 - Հույսի աստղը` Մովսես 
1978 - Հետաքննիչ հանձնաժղովը` Մադոյան Սարգիս 
1979 - Կապույտ առյուծ` ոսկերիչ 
1979 - Մահ ձիու վրա` Գայի հայրը 
1979 - Ձորի Միրո` Միրո 
1979 - Կյանքի լավագույն օրերը 
1980 - Յոթ սարերի ետևում` Հովսեփ 
1982 - Գիքոր` Համբո 
1984 - Առանց ընտանիքի` Վիտալիս (Կառլո Բալզանի) 
1985 - Ճերմակ անուրջներ` Հակոբ 
1985 - Խնձորի այգին` Մարտին 
1986 - Միխայլո Լոմոնոսով` Ֆեոֆան Պրոկոպովիչ 
1986 - Մեկկոտոշավոր կովի նշանի տակ` Տոբի 
1987 - Խաչմերուկի դեղատունը` Ադամյան 
1987 - Հատակում` Սաթին 
1987 - Քառյակ` Պետրոս 
1988 - Համբարձում` Գալուստ 
1988 - Ոճրագործի ընտանիքը (հեռուստաբեմադրություն) 
1989 - Ամեն ինչ կրկնվելու է` Սահակ Խորենովիչ 
1991 - Ձայն անապատում` բեմադրիչ 
1992 - Որտե՞ղ էիր, մարդ Աստծո` բժիշկ Ստեփան Եսայան (զառամյալ տարիքում) 
1997 - Հարսնացուն Ջերմուկից` ինքը 
2001 - Ուրախ ավտոբուս` քահանա 
2001 - Լռության սիմֆոնիա 
2006 - Տերևաթափի բլյուզ` Արմեն Սահակովիչ 
2006 - Փարոս 
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել