www.psyhelp.am և www.psyarmenia.com -ից

Շատ տարիներ առաջ, Սատանան որոշեց վաճառի իր արհեստին վերաբերվող բոլոր գործիքները: Նա այդ ամենը գեղեցիկ ցուցադրեց ապակյա ցուցափեղկի տակ: Այդ ինչ հավաքածու էր: Այստեղ էր և Նախանձի դաշույնը, որի կողքին դրված էր Բարկության մուրճը: Մի ուրիշ դարակի վրա դրված էին Ագահության և Ցանկության աղեղը, իսկ կողքին տեղավորվել էին՝ Քմահաճույքի և Խանդի թունավոր նետերը: Այստեղ կային նաև Վախի, Ատելության և Հպարտության գործիքներ: Այս ամենը շատ լավ ցուցադրված էր և ամեն գործիքի վրա փակցված էր մի պիտակ՝ անվանումով և գնով:

Իսկ ամենագեղեցիկ դարակի վրա, բոլոր գործիքներից առանձին դրված էր մի փոքրիկ, տեսքից շատ մաշված և անշուք մի փայտյա սեպ, որի վրա փակցված պիտակի վրա գրված էր՝ Հուսահատություն: Ի զարմանս բոլորի, այս գործիքը ավելի թանկ էր, քան բոլոր մնացած գործիքները միասին վերցրած:

Մի անցորդ հարցրեց Սատանային, թե ինչու է նա այդքան թանկ գնահատում այդ մաշված սեպը, ինչին նա պատասխանեց՝

— Ես իրոք գնահատում եմ այն բոլորից թանկ, որովհետև սա միակ գործիքն է իմ զինանոցում, որի վրա ես համոզված եմ այն դեպքում, երբ մնացած բոլորը կարող են անօգուտ լինել:

Եվ նա նրբորեն շոյեց այդ փայտյա սեպը:

— Եթե ես կարողանում եմ այս սեպը խփել մարդու գլխի մեջ, — շարունակեց Սատանան, — նա դռներ է բացում իմ մնացած բոլոր գործիքների համար:

Նա ժպտաց և ավելացրեց՝

— Չկա ավելի մահաբեր բան, քան հուսահատությունը:

 

Ֆրանց ֆոն Շտուկ «Դժոխք» 1908


 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել