Իրավիճակն այնպիսի հանգրվանի է հասել, որ Ադրբեջանը շփման գծում հրադադարի ռեժիմը խախտում է ականանետային կրակով. «խաղի մեջ» հրետանային միջոցների գործադրումն ակտիվանում է, ինչը չափազանց վտանգավոր է, ընդ որում՝ սա առաջին դեպքը չէ:
Ադրբեջանում սկսել են կասկածանքով վերաբերել «Դիպուկահարների պատերազմին», իսկ ավելի կոնկրետ, դրա արդյունավետությանը (վնասներ պատճառելու առումով), ինչը սակայն դեռ չի նշանակում, որ դիպուկահարները կպասիվանան կամ «կթողնեն մարտադաշտը»:
Ամենայն հավանականությամբ, առաջիկայում հակառակորդը փորձելու է գործել «փոքր տրամաչափի հրետանային միջոցների գործածման տրամաբանության մեջ»՝ զուգահեռ օգտվելով դիպուկահարների ծառայություններից: Խնդիրն առավելագույն վնասներ պատճառելն է:
Հասկանալի է, որ ՊԲ-ի առաջապահ ստորաբաժանումները կձեռնարկեն համարժեք գործողություններ, որպեսզի իրադրությունն ամեն գնով պահեն վերահսկողության տակ, սակայն պետք է ֆիքսենք, որ առաջնագծում իրավիճակը մնում է ռիսկային, իսկ Ադրբեջանը դադար վերցնելու նպատակ չունի:
