1in.am–ը գրում է.
Կնոջ առողջությունն ու տրամադրությունը հաճախ կախված են արյան մեջ հորմոնի մակարդակից: Հասկանալով դրանց ազդեցությունը օրգանիզմի վրա, ինչպես նաև կարգավորման բնական մեխանիզմները, դուք կարող եք երկարացնել սեփական երիտասարդությունը, հայտնում է econet.ua-ն:
Էնդորֆին հորմոն
Ուրախություն, անզուսպ հիացմունք ու երջանկություն զգալուն օգնում է էնդորֆին հորմոնը: Նրա դերը օրգանիզմում իսկապես անգին է, քանի որ այն ի վիճակի է անգամ բթացնել ցավի զգացումը:
Կարգավորման եղանակը
Շնչեք հոտավետ անանուխի բույրը. այն ոչ միայն կհանգստացնի, այլև ուրախության զգացում կտա:
Ավելացրեք համեմունքներ: Սուր ուտեստների ժամանակ նյարդային վերջույթները, որոնք գտնվում են լեզվի վրա, գրգռվում են՝ բարձրացնելով «ուրախության հորմոնի» արտազատումը: Այդ իսկ պատճառով ձմռանը երբեմն կարող եք ուրախացնել ձեզ կծու ուտեստներով:
Լեպտին, գրելին հորմոններ
Լեպտինը ավելորդ քաշի «մեղավորներից» է, սակայն այն դեպքում, երբ օրգանիզմում հավասարակշռությունը խախտված է: Լեպտինի արտադրությամբ (հագեցվածության հորմոն) զբաղվում են ճարպաբջիջները: Այն ազդանշան է հաղորդում գլխուղեղին կուշտ լինելու մասին:
Գրելինը, հակառակը, քաղցի ազդանշան է հաղորդում: Կարգավորման եղանակը քնելն է: Եթե քիչ եք քնում, օրգանիզմում մեծանում է գրելինի մակարդակը, իսկ լեպտինինը նվազում է: Այդկերպ, ճարպի հավաքումը միայն ժամանակի խնդիր է:
Դոպամին հորմոն
Երկրորդ անվանումն է հիշողության հորմոն: Դրա արտադրման համար պատասխանատու է գլխուղեղը: Հորմոնի մակարդակն ազդում է աշխատունակության, ուշադրությունը կենտրոնացնելու և տեղեկատվությունը երկար ժամանակով պահելու վրա:
Կարգավորելու համար պետք է երաժշտությսւն լսել: Սիրված ստեղծագործության ակորդները բարենպաստ ազդեցություն կգործեն ընդհանուր ինքնազգացողության վրա և կնպաստեն դոպամինի արտադրմանը:
Օկսիտոցին հորմոն
Շատ կանայք համոզված են, որ իսկական մայրական բնազդը արթնանում է միայն ծննդաբերությունից հետո: Մասնակիորեն դա ճիշտ է, քանի որ ծննդաբերական շրջանը սերտորեն կապված է օքսիտոցինի հորմոնի արտադրման հետ, որն անվանում են նաև կապվածության հորմոն:
Դրա շնորհիվ մենք կարող ենք սիրել ու զգալ սիրված:
