Replik.am-ը գրում է․

Ինչպես հաղորդում են արտասահմանյան ԶԼՄ-ները, Մեծ Բրիտանիայի մայրաքաղաքի Թրաֆալգարի հրապարակում երեկ երեկոյան վառվել են երկրի գլխավոր սուրբծննդյան եղևնու լույսերը: Նշվում է, որ եղևնու բարձրությունը 21 մետր է, այն զարդարված է 900 լուսադիոդային լամպերով:

Հավելենք, որ եղևնին հրապարակում կմնա մինչև հունվարի 6-ը՝ Աստվածահայտնության տոնը: Եղևնու լույսերի վառման հանդիսավոր արարողությանը մասնակցել են Լոնդոնի քաղաքապետի տեղակալ Վիկտորյա Բորվիկը, Օսլոյի քաղաքապետ Ստիան Բերգեր Ռոսլանդը:

Հիշեցնենք, որ Սուրբ ծննդից առաջ ամեն տարի բարձր եղևնին Լոնդոն է բերվում Նորվեգիայի անտառներից: Այդ ավանդույթի հիմքը դրվել է դեռևս 1947-ին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել