Սառույցը կարող է ինչպես վտանգավոր, այնպես էլ օգտակար ու գեղեցիկ լինել։ Սառած ճանապարհները ավտոտրանսպորտային պատահարների ու կոտրվածքների բուն են, սակայն միաժամանակ ձմեռային մարզաձևերից շատերը գոյություն չէին ունենա, եթե չլիներ սառույցը։ Սառույցն օգտագործվում է նաև այտուցները մեղմելու ու կապտուկների առաջացումը կանխելու համար, իսկ մաշկաբանության մեջ այն կիրառվում է տարբեր մերսումների ժամանակ՝ մաշկի ռեգեներացումն ապահովելու ու մաշկը թարմ պահելու համար։ Սակայն սառույցն ամենից ավելի գեղեցիկ է դիտվում բնության մեջ։ Անապական բարձրավանդակներում, որտեղ մարդիկ դեռ չեն հասցրել ապականել շրջակայքը, բնությունը սքանչելի սառցե կոմպոզիցիաներ է ստեղծում, իսկ ֆոտոխցիկի ամենատես աչքը արձանագրում է դրանք։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
