Tert.am-ը գրում է․
Նախապես արդեն հայտնի է, թե Հայաստանն ինչ վիճակում է հայտնվել, արդեն պարզ էր, թե խմբակցություններն ինչպես են քվեարկելու, անորոշ դիրքորոշում չկար, ամեն ինչ հստակ էր. այս մասին Tert.am-ի հետ զրույցում ասաց քաղաքական և ընտրական տեխնոլոգիաների փորձագետ Արմեն Բադալյանը, անդրադառնալով այսօր ԵՏՄ-ին միանալու մասին ԱԺ խմբակցությունների վարքագծին։
-Ազգային ժողովի խմբակցությունների դիրքորոշումները՝ ԵՏՄ անդամակցության վերաբերյալ, Ձեզ համար սպասելի՞ էին:
-Նախապես արդեն հայտնի է, թե Հայաստանն ինչ վիճակում է հայտնվել, մոտավորապես արդեն պարզ էր, թե խմբակցություններն ինչպես են քվեարկելու, անորոշ դիրքորոշում չկար, ամեն ինչ հստակ էր:
-Այնուամենայնիվ, «Բարգավաճ Հայաստան» կուսակցության տեսակետը այնքան էլ հստակ չէր, գոնե ասում էին, որ իրենց մոտ ամեն ինչ այդքան միանշանակ չէ:
-Որևէ մեկի դիրքորոշումն այս հարցում տարօրինակ չի կարող հնչել, որովհետև ցանկացած ոք, ով դեմ կլինի ԵՏՄ-ին, անմիջապես կստանա իրեն հակառակորդ ոչ թե գործող իշխանությունը, այլ Ռուսաստանի իշխանությանը: Իսկ հաշվի առնելով, որ 2013թ.-ի սեպտեմբերի 3-ից հետո Ռուսաստանի ազդեցությունը Հայաստանում բավականին մեծացել է և հատկապես մեծացել է իշխանությունների ձևավորման գործընթացում, բնական է, որ քաղաքական ուժերը պետք է առաջնորդվեն ռեալ պոլիտիկ սկզբունքով և չփորձեն իշխանություններից բացի նաև Ռուսաստանին իրենց թշնամի հանել: Այդ իսկ պատճառով, բոլոր խմբակցություններին դիրքորոշումների՝ ԵՏՄ-ին կողմ լինելու մասով և դա արտահայտելու մասով, որևէ տարօրինակ բան չկա: Իհարկե, բացի «Ժառանգությունից», որը հասկանալի է՝ դեմ է ԵՏՄ-ին:
Ամբողջական հոդվածը կարող եք կարդալ այստեղ
