Կարող եմ նաև շրջել երթուղայինով, դրանում չի կայանում կյանքի իրական շքեղությունը. Ալեքսանդր Թադևոսյան

Life.panorama.am-ը գրում է․

Այսօր երիտասարդ դերասաններից շատերը ձգտում են ժամանցային նախագծերին,երբեմն, մոռանալով բուն առաքելության մասին: Այստեղ կա մտավախություն. դեռևս մի լավ «չթրծված»՝ կարող են «դեֆորմացվել»: Գաբրիել Սունդուկյանի անվան ազգային ակադեմիական թատրոնի դերասան Ալեքսանդր Թադևոսյանը, չնայած իր երիտասարդ տարիքին, կարծես թե չի զլանում աշխատել ու սովորել տարիների մեծ փորձ ունեցող արվեստագետների կողքին: Հավանաբար, դա է նաև պատճառը, որ կարողացել է կայանալ ու «թատրոնի անդամ» դառնալ: Life.panorama.am–ի հետ զրույցում դերասանն անդրադարձավ նոր առաջարկներին, հեռուստաէկրաններին իր բացակայության և կյանքում որոշակի դժվարությունների մասին:

-Ալիկ, երիտասարդ, համակրելի դերասան եք, ինչպե՞ս է, ձեզ չենք տեսնում էկրաններին,նախագծերում, սերիալներում:

Թատրոնում  իմ  զբաղվածությունն  այնքան  շատ  է,  որ  հնարավոր  չէ  ինչ-որ  նախագծերում  կամ  սերիալներում  լինեմ: Թատրոնում  ոչ  միայն  դերասան  եմ,  այլ  նաև  թատրոնի  գլխավոր  ռեժիսորի  օգնական,  զբաղված  եմ  նաև  թատրոնին  կից  Վարդան  Աճեմյանի  անվան  դրամատիկական  ստուդիայում:

-Փաստորեն, հրավերի դեպքում չե՞ք համաձայնի:

-Եթե համապատասխանի իմ  պահանջներին և  ժամանակս  ների՝ ինչո՞ւ ոչ, սիրով կհամաձայնեմ:

- Բայց այժմ դժվար չէ՞ թատրոնի տված գումարով ընտանեկան հոգսերը հոգալ, այն էլ այն դեպքում, երբ ունեք ընտանիք, երեխա:

-Դժվար է, իհարկե:

-Ձեր բնագավառից շատ երիտասարդներ փորձում են անտրեպրիզայիններկայացումներով գումար վաստակել: Ձեր մտքով երբևէ նման բան անցե՞լ է:

-Ես  միայն  ուրախ  եմ  գործընկերներիս համար: Ինքս էլ արդեն երկու հրավեր ունեմ նմանատիպ  ներկայացումներում: Դեռևս վերջնական որոշում չեմ կայացրել, սպասում  են պատասխանիս: 

-Մի փոքր կբացե՞ք փակագծերն այդ առաջարկների մասին:

-Թույլ տվեք չբացել, որովհետև չեմ սիրում ջուրը չտեսած՝ բոբիկանալ, թող լինի անակնկալ իմ հանդիսատեսին և ընկերներին:

-Ալիկ, Սունդուկյան թատրոնն ակադեմիական է: Երիտասարդ դերասանի համարկաղապարներ չե՞ն առաջանում, թե՞ թատրոնի մոտեցումը փոխվել է:

-Գիտեք, ես հպարտ  եմ,  որ  աշխատում  եմ Գաբրիել   Սունդուկյանի  անվան  ազգային  ակադեմիական  թատրոնում`  Մայր թատրոնում: Ակադեմիական  միջավայրը նպաստում  է  մասնագիտական   որակների  բարձրացմանը,  ինչը  թույլ  է  տալիս  հնարավորություններդ փորձել այլ  ժանրերում  ևս: Նաև ասեմ, որ հատկապես  վերջին  տարիներին  թատրոնում փոխվել  է  վերաբերմունքը  երիտասարդների  նկատմամբ:

-Ինչն է նպաստել վերաբերմունքի փոփոխությանը. տնօրինության փոխվե՞լը, թե՞երիտասարդների պահանջը:

-Ժամանակը: Չէ՞ որ ժամանակները փոխվում են, այսօր մենք ենք, վաղը՝ մեզանից եկող սերունդը:

Ամբողջական հոդվածը կարող եք կարդալ այստեղ