Էսօր ասեցի ուսումնասիրեմ, թե Facebook սոցիալական ցանցի եկամուտների ու օգտատերերի քանակի աճի դինամիկան ինչպես է փոխվել այս տարվա երրորդ եռամսյակի ու անցած տարվա նույն ժամանակահատվածը հավելելիս։ Ասեմ, որ բավականին հետաքրքիր պատկեր է ստեղծվում, ու կարելի է փաստել երկու բան.
1. Facebook-ը շարունակում է աճել ու դա արտահայտվում է թե՛ օրական, թե՛ ամսական այցելուների քանակով, թե՛ բջջային սարքերից կատարված մուտքերի քանակի աճով։
2. Facebook-ի եկամուտները և հատկապես գովազդից ստացվող եկամուտները ևս աճում են, ընդ որում՝ տոկոսային արտահայտմամբ՝ շատ ավելի շատ ու ավելի արագ, քան օգտատերերի քանակը։
Օրինակ, դիտարկենք օգտատերերի ու այցելությունների աճի դինամիկան՝ անցած ու տարվա երրորդ եռամսյակների ցուցանիշները համեմատելով.
Այսինքն, վերլուծելով այս տվյալները, մեկ տարվա ընթացքում ֆեյսբուքի օրական այցելությունների թիվն աշխարհում ավելացել է 136 միլիոնով, որից 53 միլլիոնը բաժին է ընկնում Եվրոպային։
Հիմա տեսնենք ամսական կտրվածքով ինչ փոփոխություններ են եղել։
Մոտավորապես նույն դինամիկան էլ տեսնում ենք ամսվա կտրվածքով ակտիվ օգտատերերի քանակում. այն աճել է 161 միլիոնով, որից 75 միլիոնը բաժին է ընկնում Եվրոպային։
Հիմա դիտարկենք Facebook-ի եկամուտների փոփոխությունը այս մեկ տարվա կտրվածքով ու մասնավորապես՝ դրա գովազդից գոյացող մասի աճի դինամիկան։
Ամենահետաքրքիր պատկերը բացվում է այստեղ։ Չնայած նրան, որ թե՛ օրական, թե՛ ամսական այցելությունների պարագայում դրանց թվի աճը մոտավորապես 10-15 տոկոսի սահմաններում էր, ընկերության եկամուտների աճը շատ ավելի շատ է. ընդհանուր աճը կազմել է ավելի քան 50 տոկոս՝ 2.016 միլիարդ դոլարից հասնելով 3.203 միլիարդ դոլար։ Եվրոպայի մասնաբաժինը կազմում է 538 միլիոն դոլար՝ 2013 թվականի երրորդ եռամսյակի արդյունքներով, ու 844 միլիոն դոլար՝ 2014-ի երրորդ եռամսյակի արդյունքներով։ Այսինքն՝ Եվրոպայից ստացվող եկամուտն աճել է 306 միլիոն դոլար, այսինքն՝ ավելի քան 50 տոկոս։
Սա էլ ընդհանուր եկամուտի մեջ գովազդից ստացած մասնաբաժնի ավելացումն է ու ինչպես տեսնում ենք, այդ ֆենոմենալ 50+ տոկոս եկամուտների աճը հենց գովազդն է ապահովել։ Անցած տարվա 1.798 միլարդ դոլարի փոխարեն այս տարվա երրորդ եռամսյակում գովազդից ստացված եկամուտը կազմել է 2.957 միլիարդ, այսինքն գովազդից ստացվող եկամուտն աճել է ոչ ավել, ոչ պակաս՝ 1.159 միլիարդ դոլարով։ Ընդ որում, Եվրոպայից ստացվող գովազդային եկամուտներն աճել են 301 միլոն դոլարով՝ 482 միլիոնից հասնելով 783 միլիոն։
Այ թե ինչ դոլարային արտահայտություն ունեցավ ալգորիթմերի փոփոխությունը՝ Ցուկիի համար։ Ասեմ ավելին, Ցուկերբերգը չի էլ պատրաստվոււմ կանգ առնել, այլ ընդհակառակը՝ պատրաստվում է էլ ավելի ծավալվել ու էլ ավելի ագրեսիվ մոնետիզացնել իր վիրտուալ ռեսուրսները։ Կարծում եմ՝ այսպիսի տեմպերով, հաշված տարիներից նա կդառնա աշխարհի ամենահարուստ մադրը, իսկ Facebook-ը՝ աշխարհի ամենաթանկ ընկերությունը։
