Բուլղարիայում կինն ինքնահրկիզվել է նախագահական նստավայրի մոտ

1in.am-ը գրում է.

Բուլղարիայի մայրաքաղաք Սոֆիայում կինն ինքնահրկիզվել է նախագահական նստավայրի մոտ: Այս մասին հաղորդում է The Sofia Clobe-ը:

Միջադեպը տեղի է ունեցել տեղի ժամանակով 15:45-ին: Կինն ավտոմեքենան կայանել է նախագահական նստավայրի հետևում գտնվող շատրվանների մոտ, որից հետո իր վրա է լցրել այրող հեղուկը և հրդեհել իրեն:

Նախագահի պահակախմբի ծառայության, ոստիկանության ներկայացուցիչները և անցորդները անմիջապես փորձել են օգնել կնոջը:

Միջադեպից հետո տուժածը ծանր այրվածքներով հիվանդանոց է տեղափոխվել: