Life.panorama.am-ը գրում է․
ATV հեռուստաընկերությամբ հեռարձակվող «Քարից փափուկ» հաղորդաշարի շրջանակներում այսօր պատրաստում ենք սնկի լցոնով վարդակներ:
Ձեթը լցնում ենք թավայի մեջ: Սոխը մանր կտրատում ենք: Լցնում ենք թավայի մեջ: Մինչ սոխը կտապակվի, կտրատել սունկը: Լցնել սոխի վրա: Միասին տապակել: Համեմել կարմիր և սև պղպեղներով: Քերիչով անցկացնել դեղին պանիրը: Առանձնացնել ձվի դեղնուցը սպիտակուցից: Օգտագործելու ենք դեղնուցը:
Դեղնուցներն ավելացնել պանիրին: Մի փոքր աղ և պղպեղ: Հետո կտրատել կարտոֆիլները շատ բարակ: Վերցնել երկաթե կաղապարը, յուղել, շարել կարտոֆիլները ծաղկի նման: Համեմել: Լցնում ենք ձվի և պանրի խառնուրդը: Նախապես ջեռոցը տաքացնել 180 աստիճան: Դնել ջեռոցը մոտ 15 րոպե: Հանել ջեռոցից լցոնելու համար: Լցոնել սնկի տապակայով: Դնել հետ ջեռոց: Թողնել ևս 15 րոպե: Մանրացնել կանաչին: Ջեռոցից հանել կարտոֆիլները, դնել մատուցվող ամանի մեջ: Ավելացնել կանաչին ու մատուցել:
Տեսանյութն՝ այստեղ
Նյութի աղբյուր՝ http://life.panorama.am/hy/news/2014/09/30/sunk-vardak/228711
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
