Մայրաքաղաքի մշակութային անցուդարձն՝ այսօր

Սկիզբը` 19:00:

 

«Մոսկվա» կինոթատրոնի Կարմիր դահլիճում տեղի կունենա ռեժիսոր Հայկ Օրդյանի «Գաղափարի ուժը» փաստագրական ֆիլմի պրեմիերան:  Ֆիլմում ռեժիսորը ներկայացնում է  «Գևորգյան մարատարվեստի դպրոց» հայրենասիրական-երիտասարդական կենտրոնի գործունեությունը, որը առանձնանում է իր գաղափարային ուղղվածությամբ:  Ֆիլմը  բարձրաձայնում է ազգային արժեքների քարոզչության, Հայաստանում ապրելու, արարելու և ի նպաստ պետականության գործելու կարևորությունը: «Գաղափարի ուժը» ֆիլմում ներկայացված են Արցախի հերոս, գեներալ-մայոր Արկադի Տեր-Թադևոսյանի, գենարալ-մայոր Ֆելիքս Գզողյանի, քաղաքական, հասարակական, մշակութային գործիչների, մտավորականների, երիտասարդների  դիտարկումները ազգային գաղափարների շուրջ: 

Սկիզբը՝ 19:00-ին: 

 

Դալան պատկերասրահում բացվելու է «Մնացած գնացածները կամ արտագաղթի դեմքը» ֆոտո ցուցահանդես: Լուսանկարիչներ` Արամ Կիրակոսյան, Իննա Մխիթարյան, Արթուր Գևորգյան:

Սկիզբը՝ 19:30-ին: 

 

Գաֆէսճեան քանդակների պարտեզում կանցկացնի «Գութան» ազգագրական երգի-պարի փառատոնը, որին կմասնակցեն «Մարաթուկ», «Սասուն», «Ակունք», «Կարին», «Սասնա ծռեր», «Վերադարձ», «Մենք ենք մեր սարերը», «Վան», «Մշո հավքեր», «Տարոնցիներ» ավանդական երգի-պարի, «Հայ երգասաններ» ազգային երգի և այլ համույթներ: Կներկայացվեն Հայաստանի տարբեր շրջանների երգերն ու պարերը, ծիսական թատերականացված դրվագներ: Նախատեսվում է նաև «Մրրո հայ ազգային երգարվեստի կենտրոն» հասարակական կազմակերպության ստեղծած հայ երգի ու պարի երախտավորներ Հայրիկ Մուրադյանի, Ստեփան Պողոսյանի, Շատեր Սահակյանի և ազգային երաժշտության մյուս երախտավորների գործունեությանը նվիրված կարճամետրաժ ֆիլմերի ցուցադրություններ: 

Սկիզբը՝ 19:00-ին: