Panorama.am-ը գրում է.
Հայաստանի Հանրապետության կառավարության հունիսի 26-ի նիստում կքննարկվի նաև Հայաստանի ֆուտբոլի ազգային հավաքականի հարձակվող Յուրա Մովսիսյանին պարտադիր զինվորական ծառայությունից ազատելու մասին հարցը:
Համաձայն «Զինապարտության մասին» Հայաստանի Հանրապետության օրենքի 12 րդ հոդվածի 1-ին կետի «գ» ենթակետի` Հայաստանի Հանրապետության կառավարությունը Յուրա Սերգեյի Մովսիսյանին (ծնված՝ 1987 թվականի օգոստոսի 2-ին, բնակության վայրը` ք. Երևան, Խանջյան 27) կազատի պարտադիր զինվորական ծառայությունից: Հետաքրքիր է, որ Յուրա Մովսիսյանի բնակության վայրը Հայաստանի ֆուտբոլի ֆեդերացիայի հասցեն է: Տաղանդաշատ հարձակվողը, ինչպես երևում է, Հայաստանում բնակարան չունի:
«Յուրա Սերգեյի Մովսիսյանին պարտադիր զինվորական ծառայությունից ազատելու մասին» Հայաստանի Հանրապետության կառավարության որոշման նախագծի ընդունումը պայմանավորված է Եվրոպայի ֆուտբոլի 2016 թվականի առաջնության նախընտրական փուլին Հայաստանի ֆուտբոլի ազգային հավաքական թիմի առաջատար ֆուտբոլիստի մասնակցությունն ապահովելու անհրաժեշտությամբ։
Ամբողջական հոդվածը կարող եք կարդալ այստեղ