1in.am-ը գրում է.
Իրաքի զինված ուժերը դուրս են մղել ահաբեկիչներին Բաղդադից 140 կմ հեռավորության վրա գտնվող Թիքրիտ քաղաքից, հաղորդում է լիբանանյան «Ալ-Մանար» հեռուստաալիքը:
Կորպուսի գեներալ Ալի ալ-Ֆարաջին, որը գլխավորում է ռազմական գործողությունները Սալահ ադ-Դին մարզում, հայտնել է, որ իրաքյան բանակի էլիտար զորամիավորումները ամբողջությամբ վերահսկում են Տիգրիս գետի վրա ընկած այդ քաղաքը և հետապնդում են «Իրաքի և Լևանտի իսլամական պետության» ահաբեկիչներին նաև այլ շրջաններում, մասնավորապես Բայջիում, որտեղ գտնվում է երկրի խոշորագույն նավթավերամշակման համալիրը:
Քիչ առաջ հաղորդվում էր, որ քրդական զինված խմբավորումները գրավել են ահաբեկիչների ձեռքն անցած հյուսիսային մեկ այլ քաղաք՝ Քիրքուկը:
Բանակային զորամիավորումները ահաբեկիչների վրա հարձակվում են Սիրիայի սահմանակից Անբար մարզից, որը գտնվում է Նայնավայի հարևանությամբ: Ամենայն հավանականությամբ, զինվորական հրամանատարությունը ռազմական գործողություն է նախապատրաստում ահաբեկիչների ձեռքն անցած Մոսուլը հետ գրավելու համար: