1in.am-ը գրում է.
Ֆրանսիական արբանյակների կողմից հայտնաբերվել են առնվազն 122 օբյեկտներ, որոնք կարող են լինել Malaysian Airlines ինքնաթիռի բեկորները՝ հայտարարել է Մալայզիայի տրանսպորտի նախարար Խիշամուդին Հուսեյնը:
Օբյեկտները հայտնաբերվել են Ավստրալիայի Պերտ քաղաքից մոտավորապես 2.5 հազար կիլոմետր հեռավորության վրա՝ հայտնում է Interfax-ը:
Արբանյակների կողմից հայտնաբերված բեկորներից մի քանիսի երկարությունը գերազանցել է 20 մետրը՝ մամլո ասուլիսին նշել է Հուսեյնը:
ԱՄՆ-ի, Չինաստանի, Ճապոնիայի, Հարավային Կորեայի, Ավստրալիայի և Նոր Զելանդիայի 12 ինքնաթիռներ և 2 նավեր վերսկսել են կորած մալայզիական ինքնաթիռի որոնումները ավստրալական լողափին:
Ավելի վաղ Մալայզիայի վարչապետ Նաջիբ Տուն Ռազակը հայտարարել էր, որ «Boeing-777»-ը կործանվել է Հնդկական օվկիանոսի հարավային մասում: