1in.am-ը գրում է.

Ղրիմը կարող է հայտարարվել հատուկ տնտեսական գոտի, իսկ նրա զարգացման համար կարող է ստեղծվել առանձին դաշնային թիրախային ծրագիր և զարգացման հատուկ կորպորացիա: Այս մասին գրում է «Վեդոմոստի»-ն՝ վկայակոչելով դաշնային պաշտոնյաներին: 

Նշվում է, որ այդ առաջարկությունները քննարկվել են ուրբաթ օրը՝ փոխվարչապետ Դմիտրի Կոզակի ներկայությամբ:

Վարչապետ Դմիտրի Մեդվեդևը երկուշաբթի օրը իր տեղակալների հետ կանցկացնի խորհրդակցություն, որի ընթացքում կքննարկի Ղրիմի և Սևաստոպոլի սոցիալ-տնտեսական զարգացումը: Թերթի տվյալներով՝ հենց այնտեղ Կոզակը կներկայացնի իր առաջարկությունները: 

Ծրագիրը կմիավորի թերակղզու զարգացման պետական նախագծերը: Ղրիմում կզարգացնեն զբոսաշրջությունը, գյուղատնտեսությունը և նավահանգստային ծառայությունները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել