Երգիչ, երաժիշտ, երգահան, մարդ, ով ոչ միայն իր, այլ նաև հայկական շոու բզինեսի ներկայացուցիչներից շատերի երգերի ստեղծման վրա է աշխատում:
Նիկ Էգիբյանը մեր շոու բիզնեսի տարբերվող և բազմաֆունկցիոնալ երգիչներից է, ով իր ուրույն ձեռագիրը ունի այդ ասպարեզում:
ArmՏtar.am-ի հետ Նիկը կկիսվի բենդում և միայն անգլերենով երգելու, իր սիրած երգիչների, գումար վաստակելու և շատ այլ հարցերի մանրամասներով:
Ինչո՞վ է պայմանավարված ներկայիս պասիվությունը
Պասիվ չեմ, քանի որ երկու շաբաթ առաջ հանդիսատեսի դատին եմ հանձնել իմ նոր՝ Wrong "Web Exclusive" տեսահոլովակը, պարզապես այն եթերային չէ, տեղադրված է միայն համացանցում: Իրականում ավելի շատ աշխատում եմ այլ երգիչների, քանի իմ երգերի վրա, քանի որ ժամանակ չեմ ունենում: Բենդ ունեմ, որի հետ եմ ներկայանում: Շաբաթական ամենաքիչը երկու համերգ ենք ունենում: Այս զբաղվածության պատճառով տեսահոլովակ նկարահանելը մղվել է երկրորդ պլան: Ձայնսկավառակս էլ կլինի ծննդյանս օրը:
Տեսահոլովակն ինչու՞ չի ներկայացվել հեռուստատեսությամբ
Այնպես ստացվեց, որ պետք է նկարահանեինք չորս տեսարան, բայց հասցրինք միայն երկուսը: Քանի որ չէի ցանկանում ավել սպասել, այն ներկայացրի հենց փետրվար ամսին: Թեև տեսահոլովակը միայն համացանցում էր, բայց և մի քանի հեռուստաալիքներից առաջարկներ եղան, որ իրենց եթերով էլ ցուցադրվի:
Ո՞րն էր բենդով հանդես գալու պատճառը
Բենդը հիմնել է Կարինե Աուստամյանը, ում ճանաչում եմ տասը տարի: Նա ինձ հրավիրեց մի քանի անգամ մասնակցելու համատեղ համերգներին և այդպես կամաց-կամաց դարձա հիմնական երկու վոկալիստներից մեկը:
Ինքներդ գրում, երգում, գործիքավորում եք Ձեր աշխատանքերը, չե՞ք վստահում այլ մասնագետների
Բացի այն, որ չեմ վստահում, կարծում եմ, եթե կարող ես ինքդ լավ աշխատանք կատարել, ապա ինչու՞ ոչ: Ի սկզբանե չէի վստահում, իսկ երբ այն դարձավ իմ հիմնական աշխատանքը, ուրիշի հետ աշխատելու իմաստը առավելապես կորեց:
Շարունակությունը՝ այստեղ