Armnewstv.am-ը գրում է.
«Հայկական էլեկտրական ցանցեր» ընկերությունը կանգնած է խնդիրների առջև: Լուրերը դեռևս անցած տարվանից են շրջանառվում: 935 000 սպառողի էլեկտրաէներգիայով ապահովող ընկերությունը նախ զիջեց դիրքը երկրի խոշոր հարկատուների ցուցակում:
Էլեկտրոնային լրատվամիջոցները ակտիվորեն պնդում են, թե ՀԵՑ-ը դեռ ունի մեծ կորուստներ և դրանք փոխհատուցելու համար բնակչությունից էլեկտրաէներգիայի համար հավելագրումներ է կատարում: Որպես ամենախնդրահարույց նշվում է Կոտայքի մարզի մասնաճյուղը, որտեղ տեղամասային պետերը միլիոնավոր դրամի վճարումներ պետք է անեն: Հրազդանում գտնվող Գեղամա մասնաճյուղի պետը պարզվեց արձակուրդում է: Փոխտնօրենը հերքեց կորուստների, շահույթի կրճատման ու նաև հավելագրումների մասին լուրերը:
Ո՞րն է խնդիրը, ՀԷՑ-ն ու նրա սեփականատերը` ռուսական «ԻՆՏԵՌ ՌԱՕ ՅԵ ԷՍ»-ը, իրո՞ք փորձում են ընկերությունն արհեստականորեն փրկել սնանկացումից, իրո՞ք ներդրողներ են փնտրում: Հարցերի պատասխանները փորձեցինք ստանալ ՀԷՑ-ի մամուլի բաժնից: Հանդիպել չհամաձայնվեցին, բայց հարցերը լսեցին և նույնիսկ ինֆորմացիայի աղբյուր խնդրեցին նշել:
Տեսանյութը կարող եք դիտել այստեղ
