1in.am-ը գրում է.
Սաուդյան Արաբիայում 100 տարեկանում մահացել է մի կին, որը գրեթե կես դար զբաղվում էր պրոֆեսիոնալ մուրացկանությամբ:
Պարզվել է, որ կինը այդ ընթացքում հասցրել է կուտակել 1 միլիոն դոլարի կարողություն, որը նա հավաքում էր «սև օրվա» համար:
Աիշան տարիներով մուրացկանություն է արել Ջիդդա քաղաքի Ալ-Բալադ կենտրոնական շրջանում՝ հայտնում է NEWSru Israel-ը: Փաստացի բոլոր բնակիչները կնոջը դեմքով ճանաչում էին: Սակայն քչերն էին գլխի ընկնում, թե ինչ հարստություն կարող էր կուտակած լինել մուրացկանը:
Պարզվում է՝ մուրացկանն ու նրա աղջիկը ունեն 4 տուն քաղաքի կենտրոնում, թանկարժեք իրերի ու ոսկեդրամների հավաքածու: Նրա կարողությունը գերազանցել է 1 մլն դոլարը:
Աիշան իրեն պատկանող տներում աղքատներին թույլ էր տվել անվճար բնակվել: Սակայն մուրացկանի մահից հետո նրա ամբողջ կարողությունը փոխանցվում է պետությանը:
