Twitter-ի օգտատեր Դերեք Նիքոլսը թվիթերյան իր էջում հրապարակել է իր 14 տարեկան եղբոր կողմից շարադրված բանաստեղծությունը, որը 24 ժամվա ընթացքում վերաթվիթել ու հավանել են գրեթե 150.000 անգամ:
Դուք չեք տեսնի թաքնված հաղորդագրությունը, մինչև բանաստեղծությունը չկարդաք սկզբից մինչև վերջ ու հակառակ ուղղությամբ:
Read this... My 14 year old brother wrote this... Crazyyyy pic.twitter.com/RzvhJU1LUN
— Derek Nichols (@DerekNichols0) February 26, 2014
ՄԵՐ ՍԵՐՈՒՆԴԸ
Մեր սերունդը ոչ մի բանի համար հայտնի չի լինի
Երբեք ոչ ոք չի ասի`
Մենք մարդկության գագաթնակետն էինք,
Դա սուտ է, ճշմարտությունն այն է, որ
Մեր սերունդը ձախողվել է:
Կարծել, թե
Մենք իրականում հաջողության ենք հասել,
Իզուր է: Եվ մենք գիտենք՝
Միայն փողի ու իշխանության համար ապրելն է
Ճիշտ ճանապարհը,
Սիրելը, հարգելն ու բարությունը
Հիմարություն է:
Մոռանալ այն ժամանակի մասին
Հեշտ չի լինի, բայց կփորձենք:
Փոխել մեր աշխարհը դեպի ավելի լավը՝
Մի բան, որ մենք երբեք չենք արել:
Հանձնվելը
Այն միջոցն էր, որով մենք լուծել ենք մեր խնդիրները,
Քրտնաջան աշխատելը
Հիմարություն էր:
Մենք գիտեինք, որ
Մարդիկ կարծում էին, որ մենք չենք կարող սթափվել
Դա կարող է ճիշտ լինել,
Եթե մենք ամեն ինչ այլ կերպ չանենք:
(Իսկ հիմա կարդացեք ներքևից վերև)
