Օգտագործելով իր ինքնալուսանկարները և ջրաներկ` արվեստագետ Ալիզա Ռազելը հետաքրքիր աբստրակտ պատկերներ է ստանում` այդ երկուսը միաձուլելով ֆոտոշոփ թվային համակարգչային ծրագրի միջոցով: Նրա աշխատանքների առաջին շարքը կրում էր «Անեսիդորա» խորագիրը, որը Պանդորայի սափորի մասին է՝ հիմնված «Պանդորայի տուփ» առասպելազրույցի վրա:
Պանդորան հունական դիցաբանության մեջ «առաջին կինն է, ով ստեղծվել է Զևսի հրամանով՝ որպես պատիժ մարդկությանը՝ Պրոմեթևսի կողմից կրակի գողության համար: Աստվածները նրան օժտել էին գեղեցկությամբ, խորամանկությանմբ, հնարամտությամբ, խարդախությամբ ու հետաքրքրասիրությամբ: Նրան է վստահվում պահպանելու մի արկղ, որի մեջ պահվում էին ամեն տեսակ չարիք, դժբախտություն, հիվանդություններ ու վշտեր, որոնց մեջ Զևսը նաև հույս էր թաքցրել: Պանդորան հետաքրքրությունից դրդված բացում է տուփն ու դրա միջի ամբողջ չարությունը դուրս է գալիս ու թափանցում մարդկանց կյանք»:
Ստեղծագործությունների մյուս շարքը կոչվում է «Իկավա»՝ ֆիններենից կարոտ բառից, որտեղ Ռազելը ստացած պատկերներին հրաշալի կերպով փոխանցում է իր զգացմունքներն ու ապրումները:
19-ամյա արվեստագետը մեծ վարպետությամբ է կյանքի է կոչում իր կրեատիվ գաղափարները՝ սև ու սպիտակ լուսանկարների հետ միաձուլելով ջրաներկի գույները:
