1in.am-ը գրում է.
Կալիֆոռնիայի դատարանը վարորդներին թույլ է տվել մեքենան վարելիս օգտվել քարտեզներից՝ հայտնում է Associated Press-ը:
Վերաքննիչ դատարանը նման որոշում է կայացրել երեկ: Դատախազությունը կարող է բողոքարկել որոշումը Կալիֆոռնիայի դատարանում:
Այսպիսով՝ դատարանը հանդես է եկել հօգուտ Ֆրեզնոյից վարորդի, որին 2011թ. հունվարին տուգանել էին երթևեկության ժամանակ iPhone-ով քարտեզից օգտվելու համար:
Սթիվեն Սփրինգսը բացատրել էր, որ ինքը պետք է շրջանցեր այն հատվածը, որը փակ էր շինարարական աշխատանքների համար, և ինքը օգտվել է հեռախոսից, որպեսզի գտնի ճանապարհը շրջանցելու ուղիները:
Չնայած նրա բացատրություններին՝ ոստիկանները նրա գործողությունները համարել են խախտում ու պարտավորեցրել վճարել 165 դոլար տուգանք:
Ներկայում Կալիֆոռնիայում արգելված է մեքենա վարելիս ինչպես բջջայինով խոսելը, այնպես էլ տեքստային հաղորդագրություններ գրելը:
Ընդ որում՝ վարորդները կարող են օգտվել անլար սարքավորումներից: