Azatutyun.am-ը գրում է.
Կիևում սկիզբ առած արյունահեղությունը հնարավոր եղավ դադարեցնել Վլադիմիր Պուտինի միջամտության շնորհիվ», - պնդում է Լոնդոնում լույս տեսնող ամենահեղինակավոր պարբերականներից մեկը` Times-ը:
Բրիտանական թերթը կարողացել է որոշ մանրամասներ հայթայթել անցած շաբաթ Կիևում ծավալված ողբերգական իրադարձություններին զուգահեռ ընթացած ակտիվ դիվանագիտական շփումների մասին:
«Հեռախոսափողում հնչած ձայնը, որ կարողացավ համոզել Վիկտոր Յանուկվիչին զիջումների գնալ և վերջ տալ արյունահեղությանը, պատկանում էր շատ անսպասելի մի խաղաղարարի` Վլադիմիր Պուտինին», - գրում է Times-ը:
Թերթի փոխանցմամբ՝ Պուտինի առանցքային դերակատարության մասին վարկածը հաստատում է նաև բախումների պահին Կիևում գտնված Լեհաստանի արտաքին գործերի նախարար Ռադոսլավ Սիկորսկին: «Պուտինի դերակատարությունը որոշիչ էր այն պահին, երբ լարվածությունը հասել էր գագաթնակետին», - նշում է լեհական դիվանագիտության ղեկավարը:
«Ուշագրավ է, որ ուկրաինական հակամարտության երեք ամիսների ընթացքում Ռուսաստանը որպես խառնակիչ էր ընկալվում», - գրում է բրիտանական պարբերականը` տեղեկացնելով, որ Պուտինի ակտիվ հեռակա մասնակցությունը Կիևում ընթացող բանակցություններին սկիզբ առավ այն պահին, երբ Յանուկովիչը Ֆրանսիայի, Լեհաստանի և Գերմանիայի արտաքին գործերի նախարարների հետ հանդիպման ընթացքում համառորեն հրաժարվում էր նշանակել արտահերթ նախագահական ընտրությունների օրը:
Ամբողջական հոդվածը կարող եք կարդալ այստեղ
