Galatv.am-ը գրում է.
Լուսանկարիչ Հոսսեյն Ֆաթեմին իր ֆոտոշարքում ցույց է տալիս այն, թե ինչով են զբաղվում երիտասարդ իրանուհիները իրենց տների և ակումբների փակ դռների հետևում:
Ավելի քան 20 տարի է Իրանից ստացվող լուրերն ու լուսանկարները բավականին միօրինակ էին` կանայք փարանջայով, մահապատիժներ հանրության աչքի առջև, դրոշների ցուցադրական հրկիզում և միջուկային զենքի մասին լուրեր: Սակայն այս հնագույն երկրում իրական առօրյա կյանքը շատ ավելի բազմազան է:
Կինը Չեխել Մանբար արարողության ժամանակ, որն անցկացվում է Աշուրայից առաջ Խորեմաբադում: Ավանդույթի համաձայն` իրանցի կանայք քաղաքի կենտրոնում մոմեր են վառում ու ոտաբոբիկ քայլում: Արարողությունը սկսվում է վաղ առավոտյան և շարունակվում է ողջ օրը:
Մերկ կինն իր տանն անկողնու վրա: Նա ստիպված է աշխատել որպես մարմնավաճառ, որպեսզի կերակրի իր երկու երեխաներին:
Կանայք գեղեցկության սրահում, ուր ոչ մի տղամարդ իրավունք չունի մտնելու: Կանանց գեղեցկության սրահում աշխատել տղամարդկանց, բնականաբար, ևս արգելված է:
Գինովցած կանայք վայելում են խնջույքը: Չնայած բարեկամական կապեր չունեցող կանանց և տղամարդկանց արգելում են շփվել և միասին հանգստանալ, շատերն անտեսում են այս օրենքն իրենց տներում:
Ռոք խումբ, փակ երեկույթի ժամանակ
Բացառապես կանանց համար նախատեսված մարզասրահ
Կանայք բիլիարդ են խաղում տղամարդկանց համար նախատեսված հանգստյան սրահում, ուր կանանց մուտքը խստիվ արգելված է:
Կանայք նարգիլե են ծխում, ինչը հասարակական վայրերում արգելված է եղել:
Կանայք ծխում են տան պատշգամբում: Տանը նրանք անպատիժ կերպով կարող են կրել կարճաթևք հագուստ և չծածկել գլուխը:
Նյութն ամբողջությամբ՝ այստեղ
