Հայտնի մարդկանց անհայտ սեքս սկանդալները

 10  Կիմ Ջոնգ Ունը մահապատժի է ենթարկել իր սիրուհուն

Ըստ Հարավային Կորեայի ամսագրերից մեկի՝ Կիմ Ջոնգ Ունը 2013 թ.-ի օգոստոսին պատվիրել է մահապատժի ենթարկել իր նախկին սիրուհուն՝ Հյոնգ Սոնգ-Վոլին և 20 երաժիշտի: Նրանք թողարկում և վաճառում էին սեռական բնույթի տեսաերիզներ, որոնց գլխավոր գործող անձինք հենց իրենք էին: Մահապատժից մի ամիս անց այն տեսանյութը, որի համար Հյոնգը ստիպված եղավ իր կյանքով վճարել, հայտնվեց Youtube-ի չինական տարբերակում: Այդ տեսանյութում պատկերված էր, թե ինչպես են Հյոնգն ու երկու այլ կանայք կիսամերկ պարում Էլվիս Փրեսլիի երգի տակ: Դժվար է հավատալ, որ սոսկ կիսամերկ պարելու համար պոռնոգրաֆիայի մեղադրանք կարող էր ներկայացվել:

Հարավային Կորեայի այդ նույն ամսագրում հաղորդվում էր, որ շշուկներ են պտտվում այն մասին, որ Կիմը մի այլ դեպք կոծկելու համար է դիմել այդ քայլին: Ըստ պտտվող շշուկների՝ Կիմի ներկայիս կին Ռի Սոլ-Ջուն մահապատժի ենթարկված երաժիշտների հետ նախկինում հայտնվել էր նմանատիպ տեսանյութերում: Սկանդալը կանխելու համար Կիմը որոշեց մեկընդմիշտ լռեցնել նրանց: Ինչպես միշտ, Հյուսիսային Կորեայի պաշտոնական լրատվական գործակալությունը դատապարտեց Հարավային Կորեային և Ճապոնիային՝ Կիմի կնոջ մասին ստահոդ լուրեր տարածելու մեջ, և սպառնաց վրեժ լուծել, սակայն չհերքեց մահապատժի մասին տեղեկատվությունը:

Կենտրոնական հետախուզական վարչության նախկին ղեկավար գեներալ Դևիդ Պետրեուսը ստիպված էր հրաժարվել պաշտոնից այն բանից հետո, երբ ընդունեց, որ սիրավեպ է ունեցել իր կենսագրի հետ: Սա առաջին դեպքը չէ, երբ գեներալի պաշտոն զբաղեցնող անձը արտաամուսնական սիրավեպի պատճառով ստիպված է լինում հրաժարվել իր պաշտոնից:

1930-ականներին՝ Ֆիլիպիններում եղած ժամանակ, Դուգլաս Մաքարթուրը հանդիպեց 16-ամյա մի աղջկա, և նրա հետ սիրավեպ սկսեց: Այդ սիրավեպը բազում տարիներ շարունակվեց:  Երբ Մաքարթուրը ստանձնեց աշխատակազմի ղեկավարի պաշտոնը, նա այդ աղջկան իր հետ Վաշինգտոն տարավ: Որոշ ժամանակ անց նրանց հարաբերություններն ավարտվեցին, և Մաքարթուրը ստիպված եղավ իր նախկին սիրուհուն վճարել, որպեսզի նա լռի իրենց սիրային հարաբերությունների մասին: Ասում են, որ գեներալ Դվայթ Էլիզենհաուերը ևս սիրուհի է ունեցել: Երկրորդ համաշխարհային պատերազմի ընթացքում նա սիրային հարաբերությունների մեջ էր իր անձնական վարորդի՝ Քեյ Սամերսբիի հետ: Քանի որ նա բարձր հեղինակություն էր վայելում իբրև պատերազմի հերոս, այդ շշուկները առանձնապես չվարկաբեկեցին նրան, և նա երկու անգամ ԱՄՆ նախագահ դարձավ:  

Միապետերը հաճախ են հայտնվում սեքս սկանդալների մեջ: Թվում էր, թե այդպիսի սկանդալները շրջանցել են Շվեդիայի թագավորական ընտանիքին, սակայն 2010 թ.-ին ամեն ինչ փոխվեց: Հրապարակվեց մի պայթյունավտանգ գիրք, որը մերկացնում էր Կարլ Գուստավ XVI-ի բուռն սիրային արկածները: «Դժկամ միապետը» վերնագրով գրքում նշվում էր, որ Շվեդիայի նախագահը մասնակցում էր խելահեղ գինարբուքների և այցելում սթրիպտիզ ակումբներ: Դրանցից մեկը պատկանում էր մաֆիայի պարագլուխներին:  Գրքում նշվում էր նաև նախագահի և մի մոդելի միջև արտաամուսնական կապերի մասին: Նրանք մի պահ ցանկանում էին փախչել մի հեռավոր կղզի և բնակություն հաստատել այնտեղ:

Բնականաբար, Շվեդիայի նախագահը հերքեց գրքում զետեղված տեղեկությունները, սակայն վերջերս տված հարցազրույցներից մեկում նա այնպիսի ցնցող պատասխաններ էր տալիս, որոնք կգրգռեին ցանկացած մարդու երևակայությունը: Երբ նրան հարցրին, թե արդյո՞ք նա իսկապես այցելել է սթիպտիզ ակումբ, նա ասաց.

-Նայած, թե դուք ինչ եք հասկանում սթրիպտիզ ակումբ և սեքս բառերի տակ: Դրանց սահմանումը բավականին լայն է:  

1980-ականների վերջերը բարենպաստ չէին ճապոնացի քաղաքական գործիչների համար: Այդ ժամանակահատվածում բռնկված առաջին սկանդալը ֆինանսական բնույթի էր: Այդ ժամանակ վարչապետի պաշտոնը զբաղեցնող Նոբուրո Տակեշիտան 1989 թ. ամռանը ստիպված էր հեռանալ պաշտոնից, քանի որ ներքաշված էր մի աղմկահարույց ֆինանսական սկանդալի մեջ: Կարճ ժամանակ անց նրա պաշտոնը ստանձնեց Սոսուկե Ունոն: Վարչապետի պաշտոնում նշանակվելուց երեք ամիս անց ողջ երկիրը խոսում էր Սոսուկեի և գեյշա Միցուկո Նականիշիի սիրավեպի մասին: Վերջինս հրապարակայնորեն հայտարարեց, որ ինքն ու Ունոն հինգ ամիս շարունակ սիրավեպի մեջ են եղել, իսկ հետո Ունոն հանկարծ լքել է իրեն: Ճապոնիայի բնակչությունը այնքան էլ խիստ չէր վերաբերվում վարչապետի դավաճանությանը: Նրանք ավելի շատ ապշած էին Նականիշինիի այն պնդումից, թե Ունոն բավականաչափ գումար չէր վճարել իր ծառայությունների դիմաց: Հանրությունը Ունոին ավելի շատ դատապարտում էր ժլատության, քան թե ամուսնական դավաճանության համար: Հանրային ճնշումներն այնքան մեծ էին, որ Ունոն ստիպված եղավ լքել պաշտոնը:  

 6  Գերմանացի բժշկի սկանդինավյան սկանդալը  

Յոհան Ստրուենզեի կյանքը կարելի է ամփոփել մեկ ասույթով. «Դժոխքի ճանապարհը սալարկված է բարի նպատակով»: Նա Դանիայի շիզոֆրենիկ թագավոր Քրիստիան VII-ի անձնական բժիշկն էր և միակն էր, ով կարողանում էր հանդարտեցնել կռվարար ու մոլեգին թագավորին: Ստրուենզեն շուտով շահեց թագավորի տառապյալ կնոջ՝ Կառոլին Մաթիլդայի վստահությունը:  Շուտով բժշկի և թագավորի կնոջ միջև բուռն սիրավեպ սկսեց: Շատերն ասում են, որ այդ սիրավեպից էլ ծնվել է արքայադուստր Լուիզա Ավգուստան: Ստրուենզեն ավելի ամրապնդեց իր հարաբերությունները թագավորի հետ: Նա այնքան մեծ ազդեցություն ուներ թագավորի վրա, որ ըստ էության, հենց նա էր կառավարում Դանիան: Նա սկսեց իրականացնել կրթական ասպարեզի բարեփոխումներ, նպաստեց մամուլի ազատության հաստատմանը, անօրինական ճանաչեց ստրկատիրությունը, բարձրացրեց հասարակ բնակչությանը մատուցվող ծառայությունների որակը և նպաստեց կենսամակարդակի բարձրացմանը: Թեպետ նրա մտադրությունները բարի էին, ժողովուրդը հակակրում էր նրան իբրև օտարական դիկտատորի: Նրանք օգտագործում էին մամուլի ազատությունը՝ Ստրուենզեին ծաղրելու և նրա ու թագուհու միջև սիրավեպը լուսաբանելու համար:   

Թագավորի խորթ մայրը հետագայում տապալեց Ստրուենզեին և կարգադրեց մահապատժի ենթարկել նրան, իսկ Կառոլինին ազատազրկեցին շնության համար: Կառոլինի եղբայրը, ով այդ ժամանակամիջոցում զբաղեցնում էր Անգլիայի թագավորի պաշտոնը,  հետագայում բանտից ազատեց նրան և տարավ իր ամրոց: Ավելի ուշ, Կառոլինը հայտնի դարձավ «Ամրոցի գերուհի» անունով:

Շարունակելի...