Pastinfo.am-ը գրում է.

Ինգուշեթիայում հարսնացու փախցնելու սովորույթը կպատժվի դրամական մեծ տուգանքով: Այս մասին հայտնում է  «Интерфакс»-ը:

Նման որոշում է կայացվել Ինգուշեթիայի հոգևոր առաջնորդների և հասարակության ներկայացուցիչների Նազրանում կայացած համաժողովում: Հավաքի մասնակիցները որոշել են հարսնացու փախցնողին տուգանել 200 հազար ռուբլու, իսկ նրան օգնողներին՝ 100 հազար ռուբլու չափով:

Համաժողովում միաձայն պաշտպանվել է այն տեսակետը, որ իսլամի տեսանկյունից աղջիկ փախցնելն անթույլատրելի է: Բացի այդ, Ինգուշեթիայի ղեկավար Յունուս-Բեկ Եվկուրովը կոչ է արել համաժողովի մասնակիցներին բոլոր ջանքերը գործադրել, որպեսզի արմատախիլ արվի հարսնացու փախցնելու սովորույթը: Նա այս հարցում երաշխավորել է հանրապետության իշխանությունների  աջակցությունը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել