Տիրոջ կամոք ճշմարտությունը հաղթելու է․ ինչ ճանապարհով ուզում է լինի՝ հաղթելու ենք։
Այս մասին Սուրբ Աննա եկեղեցու բակում հայտարարել է Բագրատ Սրբազանը։
«Այս շարժումն, այս երթն օրակարգ ունի և այդ օրակարգով է շարժվելու, չի շեղվելու այդ օրակարգից։ Այս շարժումն անկում էլ ապրի, ժողովուրդն արթնացել է»,-ասել է Բագրատ Սրբազանը։
«Իրավապահ համակարգի նախկին աշխատակիցներ մեզ հայտնում են, որ վերջին տարիներին այսպիսի ծավալի գործողություններ տեղի չեն ունեցել։
Ճնշումը պետք է ավելանա և մեծանա, հարավից-հյուսիս՝ Հայաստանի ողջ տարածքով մեկ պետք է իրականացվեն անհնազանդության խաղաղ, հաշտական և սիրով գործողություններ»,-ավելացրել է նա։
Վերջում Բագրատ Սրբազանը ավելացրեց․ «Տիրոջ կամոք ճշմարտությունը հաղթելու է․ ինչ ճանապարհով ուզում է լինի՝ հաղթելու ենք»։
Բագրատ Սրբազանը հայտարարել է, որ վաղն առավոտյան ժամը 10-ին կշարժվեն դեպի ԵՊՀ՝ ուսանողներին ողջունելու, այնուհետև կայցելեն Ժուռնալիստների միություն՝ գնահատանքը վերստին լրագրողներին հայտնելու, ապա կգնան մետրո։
